An Ocean of Offering Clouds—Tibetan

Light Offering Prayers | Tibetan MastersGatön Ngawang Lekpa

English | བོད་ཡིག

Gatön Ngawang Lekpa
Further Information:

༄༅། །མར་མེའི་སྨོན་ལམ་མཆོད་སྤྲིན་རྒྱ་མཚོ་བཞུགས་སོ། །

རིན་ཆེན་དང་པོའི་ཀོང་བུ་ནི། །

སྟོང་གསུམ་ཁྱོན་དང་མཉམ་པའི་ནང་། །

རྩི་མར་བཅུད་ཀྱིས་ཡོངས་བཀང་བའི། །

དཀྱིལ་དུ་སྡོང་བུ་རི་རབ་ཙམ། །

བཙུགས་ལ་སྦར་བའི་མེ་ལྕེ་ཡི། །

ངོ་བོ་ཡེ་ཤེས་ལྔ་ལྡན་ལ། །

རྣམ་པ་ཉི་མ་དུང་ཕྱུར་གྱི། །

གཟི་བརྗིད་འབར་བའི་མར་མེ་འདིས། །

ཕྱོགས་བཅུ་ནམ་མཁའི་ཁམས་ཀུན་ཁྱབ། །

འོད་ཀྱི་ཀློང་ནས་ཀུན་བཟང་གི །

མཆོད་སྤྲིན་རྒྱ་མཚོའི་སྤྲིན་འཕྲོ་བ། །

སྲིད་མཐའི་བར་དུ་རྟག་མཆོད་པས། །

བདག་དང་བདག་ལ་འབྲེལ་ཐོགས་ཀྱི། །

དམིགས་ཡུལ་གཤིན་གསོན་ཅི་མཆིས་པའི། །

ཚོགས་གཉིས་རྫོགས་ཤིང་སྒྲིབ་གཉིས་སྦྱངས། །

བླ་མེད་བྱང་ཆུབ་མྱུར་ཐོབ་ཤོག །

ཅེས་པའང་སྒ་སྟོན་ཝཱ་གིནྡྲས་གསུངས་སོ། །

 

• Download this text: EPUB MOBI PDF