Instruction on Great Perfection—Tibetan

Schools & Systems › Dzogchen | Literary Genres › Advice | བོད་ཀྱི་བླ་མ།འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | 中文 | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

༄༅། །རྫོགས་པ་ཆེན་པོའི་གདམས་པ།

རྗེ་བླ་མའི་ཞབས་ལ་ཕྱག་འཚལ་ལོ།
བུ་སྣོད་ལྡན་མཆོག་གསུམ་སྐྱབས་ཁྱོད་ཉོན། །
དད་པ་དང་བློ་གྲོས་རབ་ཏུ་བརྟན། །
ངེས་འབྱུང་དང་སྐྱོ་ཤས་སྙིང་རྗེ་ལྡན། །
ཁྱོད་འདྲ་ལ་ལམ་གྱི་ཡོན་ཏན་རྣམས། །
ཟླ་བ་བཞིན་གོང་འཕེལ་འགྲོ་བར་འགྱུར། །
ངེས་འདྲ་བའི་དཀོར་ཟན་རྒྱལ་པོ་ལ། །
བྱིན་རླབས་དང་ཐུགས་རྗེ་ཆེས་ཕྲ་ཡང་། །
སྐལ་ལྡན་གྱི་སློབ་མའི་ཤེས་རྒྱུད་ཀྱི། །
མེ་ལོང་ནི་དྭངས་པའི་ངོས་ཡངས་པར། །
བྱིན་རླབས་ཀྱི་གཟུགས་བརྙན་འཆར་བར་ངེས། །
སེམས་གདོད་ནས་ཀ་དག་སྟོང་པའི་དབྱིངས། །
ལྷུན་གྲུབ་ཀྱི་འོད་གདང་རང་ཆས་རྫོགས། །
རང་རིག་གི་རང་ཞལ་བལྟ་བ་ལ། །
གཟུང་འཛིན་གྱི་དྲི་མའི་སྐྱོན་དང་བྲལ། །
དེ་མ་བཅོས་རང་བཞག་སྒོམ་པ་དང་། །
གང་ཤར་གྱི་སྤྱོད་པར་རེ་དོགས་མེད། །
ཅིར་སྣང་དང་གང་ཤར་རང་སར་གྲོལ། །
དེ་རྫོགས་པ་ཆེན་པོའི་གདམས་པ་ལགས། །
ཚིག་དེ་སྐད་ཆོས་ཀྱི་བློ་གྲོས་པས། །
གང་དྲན་ཤར་མར་བྲིས་པ་འདིས། །
ང་དང་འཕྲད་པར་ཁྱད་མེད་སྨོན། །

This website uses cookies to collect anonymous usage statistics and enhance the user experience.
Decline
Accept