Offering and Prayer to Mahākāla—Tibetan

Dharma Protectors | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Mahākāla (Vajra Pañjaranātha)

Further Information:

༄༅།  །ནག་པོ་ཆེན་པོ་ལྕམ་དྲལ་ལ་མཆོད་གསོལ་བསྡུས་པ་ཕྲིན་ལས་མྱུར་འགྲུབ་ཅེས་བྱ་བ་བཞུགས་སོ།  །

ན་མཿཤྲཱི་མ་ཧཱ་ཀཱ་ལ་ཡེ།

རྡོ་རྗེ་ནག་པོ་ཆེན་པོ་འཁོར་བཅས་ལ་མཆོད་གཏོར་ཤིན་ཏུ་བསྡུས་པ་འབུལ་བར་འདོད་པས་མཆོད་གཏོར་ཅི་འབྱོར་པ་གཤམས་ལ།

ཨོཾ་ལས་རབ་ཡངས་ཀ་པཱ་ལ་ཡི་སྣོད། །

ཨཱཿལས་ཤ་ལྔ་བདུད་རྩི་ལྔ་པོ་རྣམས། །

ཧཱུྃ་གིས་ཟག་མེད་ཡེ་ཤེས་བདུད་རྩིར་བསྒྱུར། །

ཧ་ཧོ་ཧྲཱིཿཡིས་ནམ་མཁའ་མཉམ་པར་སྤེལ།

ཨོཾ་ཨཱཿཧཱུྃ་ཧ་ཧོ་ཧྲཱིཿ

ལན་གསུམ།

ཧཱུྃ། འོག་མིན་གནས་དང་རྒྱ་གར་རྡོ་རྗེ་གདན། །

བསིལ་བ་ཚལ་སོགས་གནས་ཡུལ་དུར་ཁྲོད་ནས། །

བསྟན་སྲུང་གཙོ་བོ་རྡོ་རྗེ་གུར་གྱི་མགོན། །

ཨེ་ཀ་ཛཱ་ཊི་དཔལ་ལྡན་ལྷ་མོ་དང༌། །

ཞིང་སྐྱོང་དབང་ཕྱུག་གནོད་སྦྱིན་ཡབ་དང་ཡུམ། །

པུ་ཏྲ་བྷ་ཏྲ་སྲིང་མོ་དུར་ཁྲོད་བདག །

གནོད་སྦྱིན་ལྕམ་སྲིང་ལ་སོགས་རྒྱུད་གསུམ་གྱི། །

སྲུང་མ་དམ་ཅན་རྒྱ་མཚོ་འཁོར་བཅས་རྣམས། །

དམ་རྫས་བདུད་རྩིའི་མཆོད་གཏོར་ཆེན་པོ་དང༌། །

དགྱེས་པའི་སྤྱན་གཟིགས་ཐུགས་དམ་བསྐང་བའི་རྫས། །

ས་དང་ནམ་མཁའ་བར་སྣང་ཁྱབ་པ་འདི། །

དགྱེས་པར་བཞེས་ལ་རྒྱལ་བསྟན་རིན་པོ་ཆེ། །

མི་ནུབ་དར་ཞིང་རྒྱས་པའི་ཕྲིན་ལས་མཛོད། །

དེ་ལ་འཁུ་བའི་ལྷ་མིན་ཀླ་ཀློའི་ཚོགས། །

རྩྭ་སྦུར་མེ་བཞིན་ཐལ་བའི་རྡུལ་དུ་རློག །

མྱུར་དུ་རྩད་ནས་འཇོམས་པར་མཛད་དུ་གསོལ། །

རྣལ་འབྱོར་བདག་ཅག་འཁོར་དང་བཅས་པ་རྣམས། །

བུ་གཅིག་མ་བཞིན་བརྩེ་བས་སྐྱོང་བ་དང༌། །

གང་བསམ་ཐམས་ཅད་འབད་མེད་མྱུར་དུ་འགྲུབ། །

འདི་ཕྱི་བར་དོ་ཀུན་ཏུ་སྲུང་སྐྱོབས་མཛོད། །

རང་རིག་དཔལ་ལྡན་བླ་མ་ནག་པོ་ཆེའི། །

རང་ཞལ་མཇལ་ཏེ་རྡོ་རྗེ་འཆང་གི་སར། །

མྱུར་དུ་བགྲོད་ནས་འགྲོ་རྣམས་སྒྲོལ་ནུས་པའི། །

མཆོག་ཐུན་དངོས་གྲུབ་སྩོལ་བའི་ཕྲིན་ལས་མཛོད། །

ཅེས་པའང་ལྭ་སྲས་བསོད་རྒྱལ། མགོན་པོ་ཚེ་བརྟན། གསོལ་དཔོན་བཀྲ་རྣམ་བཅས་པས་ལྷ་རེག་བཅས་བསྐུལ་བའི་ངོར། ཆོས་ཀྱི་བློ་གྲོས་པས་དཔལ་ས་སྐྱའི་སྒོ་རུམ་ཡེ་ཤེས་མགོན་པོ་མངོན་སུམ་བཞུགས་པའི་མདུན་དུ་བྲིས་པ་དགེ་ལེགས་སུ་གྱུར་ཅིག མངྒ་ལཾ།།  །།

 

• Download this text: EPUB MOBI PDF