Advice for Gok Zangden—Tibetan
Schools & Systems › Dzogchen | Literary Genres › Songs and Poems | བོད་ཀྱི་བླ་མ། › མཁན་པོ་གང་ཤར་དབང་པོ།
མཁན་པོ་གང་ཤར་དབང་པོ།
Photographer unknown
༄༅། །རྒོག་བཟང་ལྡན་ངོར་གདམས་པའི་མགུར་མ་བཞུགས་སོ། །
ནང་གི་རིག་པ་ཁ་ཡན་ཐོང་། །
ཕྱི་རུ་སྣང་ལ་མ་ཞེན་པར། །
ཕྱི་ནང་མེད་པ་ཟང་ཐལ་ལེ། །
རེ་དྭོགས་གྲོལ་ལ་ཨེ་མ་ཧོ། །
ཡེངས་པ་ཡོད་ན་སེམས་ཀྱི་ཆ། །
དེ་དུས་རྒྱུ་འབྲས་ཁྱད་མ་བསད། །
ཡེངས་མེད་རིག་པའི་འཁོར་ལོ་བསྐོར། །
ལུས་སེམས་སྦུབ་དེ་གྲོལ་ལ་ཤོག །
གང་ཤར་དབྱིངས་ལས་མ་གཡོས་པའི། །
དབྱིངས་རིག་འབྲལ་མེད་དབང་པོ་དེས། །
འཇིགས་མེད་ནམ་མཁའི་ཀློང་ནས་བརྡོལ། །
ཁྱེད་ཀྱང་ང་དང་གཉིས་མེད་ཤོག །
ཅེས་པ་རྒོག་བཟང་ལྡན་ངོར། མཁན་ཆེན་གང་ཤར་དབང་པོས་བྲིས་སོ།། །།
