Clarifying the Essence—Tibetan

Middle Way | Tibetan MastersRongtön Sheja Künrig

English | བོད་ཡིག

Rongtön Sheja Künrig

Rongtön Sheja Kunrig

Further Information:

༄༅། །དབུ་མའི་ལྟ་ཁྲིད་ཀྱི་བསྡུས་དོན་སྙིང་པོའི་གསལ་བྱེད་ཅེས་བྱ་བ་བཞུགས་སོ།།

༄༅། །ཨོཾ་སྭསྟི། བླ་མ་དང་ལྷག་པའི་ལྷ་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། དབུ་མའི་ལྟ་ཁྲིད་ཀྱི་བསྡུས་པའི་དོན་ནི། ལྟ་བས་སྤྲོས་པ་མཐའ་དག་ཐག་བཅད། སྒོམ་པས་དོན་ཉམས་སུ་བླང་། སྤྱོད་པས་བོགས་དབྱུང་བའི་མན་ངག་གོ །སྒོམ་པས་དོན་ཉམས་སུ་བླང་བ་ལ་གཉིས་ཏེ། ཞི་གནས་དང་། ལྷག་མཐོང་ངོ་། །ལྷག་མཐོང་ལའང་གཉིས་ཏེ། གང་ཟག་གི་བདག་མེད་བསྒོམ་པ་དང་། ཆོས་ཀྱི་བདག་མེད་བསྒོམ་པའོ། །འདི་གཉིས་ཀྱིས་ནི། ཕྱི་སྟོང་པ་ཉིད་དང་། ནང་སྟོང་པ་ཉིད་དང་། གཉིས་ཀ་སྟོང་པ་ཉིད་བསྒོམ་པ་བསྟན་ཏོ། །བདག་མེད་གཉིས་ལ་བདེན་པར་ཞེན་པ་ཡང་གཅོད་དགོས་པའི་ཕྱིར་ན། གཉིས་ཀ་རང་བཞིན་མེད་པར་བསྒོམ་དགོས་པས་སྟོང་པ་ཉིད་སྟོང་པ་ཉིད་བསྒོམ་པ་བསྟན་ཏོ། །སྟོང་ཉིད་བཞི་པོ་བསྒོམ་པ་འདིར་སྟོང་ཉིད་རྟོགས་པའི་ལྟ་བ་བསྒོམ་པ་ཐམས་ཅད་མ་ཚང་བ་མེད་པར་འདུས་སོ། །སྟོང་ཉིད་དང་པོ་གསུམ་བསྒོམས་པས་ནི་ཆོས་ཅན་ལ་སྒྲོ་འདོགས་གཅོད་ལ། སྟོང་པ་ཉིད་སྟོང་པ་ཉིད་བསྒོམས་པས་ནི་ཆོས་ཉིད་ལ་སྒྲོ་འདོགས་གཅོད་དོ། །ཞི་བ་ལྷས། གང་ཚེ་དངོས་དང་དངོས་མེད་པ། །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པར་རབ་ཏུ་ཞི། །ཞེས་གསུངས་སོ། །དབུ་མའི་ལྟ་ཁྲིད་ཀྱི་བསྡུས་དོན་རོང་སྟོན་ཆེན་པོས་དཔལ་ནཱ་ལེནྡྲར་སྦྱར་བ་མངྒ་ལཾ།། 

• Download this text: EPUB MOBI PDF