A Wondrous Instruction for the Moment of Death—Tibetan

Dying & the Bardos | Tibetan MastersSakya Pandita

English | Italiano | བོད་ཡིག

Sakya Pandita

Sakya Paṇḍita Kunga Gyaltsen

Further Information:

༄༅། །འཆི་ཁ་མའི་གདམས་ངག་ངོ་མཚར་ཅན་བཞུགས། །

༄༅། །བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །དང་པོ་དཀོན་མཆོག་གསུམ་སྐྱབས་འགྲོ། །དེ་ནས་བྱང་ཆུབ་སེམས་བསྒོམ་བྱ། །མདུན་དུ་སྣང་བ་མཐའ་ཡས་བསྒོམ། །དེ་ལ་ཕྱག་འཚལ་མཆོད་པ་བྱ། །སྦྱོར་བའོ། །སྡིག་པ་དག་པའི་ངེས་ཤེས་བསྐྱེད། །ཞེན་པ་ཐམས་ཅད་གཏང་བར་བྱ། །འཆི་ལ་འཇིགས་པ་མེད་སེམས་ཀྱིས། །སྣང་བ་མཐའ་ཡས་ཏིང་འཛིན་བསྒྲུབ། །དངོས་གཞིའོ། །ཕྱི་ནས་རང་གི་ལུས་ལ་བསྡུ། །བདག་ཉིད་དེ་ཡི་ངོ་བོར་བསྐྱེད། །དགེ་བ་སེམས་ཅན་རྣམས་ལ་བསྔོ། །ཕྱིས་ཀྱང་དེ་ལ་གོམས་པར་བྱ། །མཇུག་གོ །དེ་ལ་ནད་དང་གདོན་མི་འབྱུང་། །འཆི་བའི་དུས་ན་སྡུག་བསྔལ་མེད། །བར་དོར་ཐུབ་པས་རྗེས་སུ་འཛིན། །ཕྱི་མའི་དུས་སུ་ཐར་པ་ཐོབ། །ཕན་ཡོན་ནོ། །འཆི་ཀ་མའི་གདམས་ངག་ངོ་མཚར་ཅན། བླ་མ་རྗེ་བཙུན་ས་སྐྱ་པ་ཡབ་སྲས་ཀྱི་གསུང་བཞིན། དཔལ་ལྡན་ས་སྐྱ་པཎྜི་ཏས་ཡི་གེ་ཉུང་ངུར་བཀོད་པའོ།། །།

• Download this text: EPUB MOBI PDF