Daily Vajrakīla Practice—Tibetan

Deities › Vajrakīla | Practices › Sādhanas | Literary Genres › Termas | བོད་ཀྱི་བླ་མ།ཨ་པཾ་གཏེར་སྟོན།

English | བོད་ཡིག

ཨ་པཾ་གཏེར་སྟོན།

Vajrakīla

Further information:
Download this text:

༄༅། །ཕུར་པའི་རྒྱུན་ཁྱེར།

 

འུྃ           ཨཱཿ ད་ལྟའི་ཤེས་རིག་བློ་བྲལ་བ༔

ཟབ་གསལ་ནམ་མཁའ་ལྟ་བུ་འདི༔

ཡི་དམ་ལྷ་ཡི་ངོ་བོ་ཡིན༔

ཞལ་ཕྱག་བློ་ཡི་མཚན་འཛིན་མེད༔

ཐིག་ལེ་ཆེན་པོ་རྡོ་རྗེའི་སྐུ༔

བསྒྲེས་རྒུད་མེད་པའི་གཞོན་ནུ་ལ༔

རྟག་བརྟན་ལྷུན་གྲུབ་རྩལ་འཁོར་རྫོགས༔

སྣང་བ་ཐམས་ཅད་ལྷ་ཡི་སྐུ༔

སྒྲ་གྲགས་བདེ་ཆེན་ཀཱི་ལ་ཡ༔

དྲན་རྟོག་ཞེ་སྡང་རྡོ་རྗེའི་ཐུགས༔

སྣང་གྲགས་རིག་གསུམ་དཀྱིལ་འཁོར་ལྷའི༔

སྐུ་དང་ཞིང་གི་བཀོད་པའོ༔

ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ ཛཿཧཱུྃ་ཨཱཿ

བསྔོ་སྨོན་ནི།

ཕུར་པ་ཞེ་སྡང་ཡོངས་སུ་དག་པའི་རྒྱུད་ལས།

ཁྲག་འཐུང་རིགས་སུ་སྐྱེས་ནས་ཀྱང་། །

མཉམ་མེད་རྡོ་རྗེ་གཞོན་ནུ་སྟོན། །

སྙིང་རྗེ་ལྡན་ཞིང་བླ་མར་གུས། །

སྐྱེ་ཞིང་སྐྱེ་བར་འགྱུར་བར་ཤོག །

ལག་ན་རྡོ་རྗེ་ཕུར་བུ་འཛིན། །

ཟབ་མོའི་ཆོས་ནི་ཀློག་པ་དང་། །

མཙུན་མའི་ཤུ་ཀྲ་མཉམ་ཟས་ཅན། །

སྐྱེ་ཞིང་སྐྱེ་བར་འགྱུར་བར་ཤོག །

གཞན་ཡང་།

དགེ་བ་འདི་ཡིས་བདག་དང་སེམས་ཅན་ཀུན། །

བདུད་ལས་རྣམ་རྒྱལ་བར་ཆད་ཀུན་ཞི་ཞིང་། །

རྡོ་རྗེ་གཞོན་ནུ་མྱ་ངན་འདས་པའི་མཆོག །

འབྲས་བུ་བྱང་ཆུབ་ངེས་པར་བརྙེས་གྱུར་ཅིག །

 

ཅེས་དགེ་བའི་རྩ་བ་བྱང་ཆུབ་ཆེན་པོར་བསྔོས་ཏེ་སྨོན་ལམ་ཟབ་མོས་རྒྱས་གདབ་བོ༎  ༎

 

Vajrayāna Buddhism places restrictions on the reading and practice of certain texts, which are intended only for those who have received the requisite empowerments, transmissions and instructions.

If you are unsure as to whether you are entitled to read or practice a particular text please consult a qualified lineage-holder.

OK