Offering to Dharma Guardians—Tibetan

Vajrakīla | Tibetan Mastersམཁན་ཆེན་འཇིགས་མེད་ཕུན་ཚོགས།

English | བོད་ཡིག

མཁན་ཆེན་འཇིགས་མེད་ཕུན་ཚོགས།

Two-armed Vajrakīla

Further Information:

༄༅། །ཕུར་བ་མགུལ་ཁུག་མའི་ཆོས་སྲུང་མཆོད་ཐབས་ནི། །

༄༅། །ཅི་འབྱོར་བའི་མཆོད་གཏོར་བཤམས་ལ།

རཾ་ཡཾ་ཁཾ། ཨོཾ་ཨཱཿཧཱུྃ།

གཏོར་མ་ཁ་དོག་དྲི་རོ་ནུས་བཅུད་ལྡན། །

ཟག་མེད་ཡེ་ཤེས་སྐྱེད་པའི་དམ་རྫས་འདི། །

རྒྱལ་དབང་ཐམས་ཅད་མཁྱེན་པའི་སྤྱན་སྔ་རུ། །

མགུལ་ཁུག་ལས་བྱུང་རྡོ་རྗེ་ཕུར་བ་ཡི། །

ཡང་ཟབ་དཀྱིལ་འཁོར་གཉན་པོ་ཞལ་ཕྱེས་ཚེ། །

བསྟན་པ་བསྲུང་ཞིང་བསྟན་འཛིན་སྐྱོང་བ་ཡི། །

འཕྲིན་ལས་མཐའ་དག་སྒྲུབ་པར་ཁས་བླངས་པའི། །

རྡོ་རྗེ་གྲགས་ལྡན་འཁོར་དང་བཅས་ལ་འབུལ། །

གཡར་དམ་གཉན་པོ་ཆོས་ཀྱི་དབྱིངས་སུ་བསྲེ། །

བདག་གི་ཡིད་ལ་སྨོན་པའི་དོན་འབྲས་ཀུན། །

མ་ཐོགས་ད་ལྟ་ཉིད་དུ་སྨིན་པར་མཛོད། །

ཅེས་ཟླ་ ༥ ཚེས་ ༢༨ ལ་ཨ་བྷྱས་སྨྲས་རིམ་བཞིན་མཁན་པོ་བསོད་དར་རྒྱས་ཀྱིས་ཡི་གེར་སྤེལ་བ་དགེའོ།། །།

 

• Download this text: EPUB MOBI PDF