Verses on the Buddha's Previous Lives—Tibetan

༄༅། །ཐུབ་པའི་སྐྱེས་རབས་སྡོམ་ཚིག་བཞུགས་སོ། །

ན་མོ།

ཁམས་གསུམ་པ་ཡི་འགྲོ་ཀུན་གྱི།  །

ངན་སོང་ཐམས་ཅད་སྦྱོང་མཛད་པ། །

ཆོས་ཀྱི་འཁོར་ལོ་བསྐོར་བ་ཡི། །

ཤཱཀྱ་སེངྒེ་ཁྱེད་ལ་བསྟོད། །

སྟག་མོ་ཤི་བི་ཀོ་སལ་བདག །

ཚོང་དཔོན་གཉིས་དང་རི་བོང་དང་། །

ཨ་གསྟི་དང་ཤ་སྦྱིན་དང་། །

ཐམས་ཅད་སྒྲོལ་དང་མཆོད་སྦྱིན་བྱེད། །

སྦྱིན་པ་ལེགས་པར་བཏང་བ་ཡི།  །

སེམས་དཔའ་རྣམས་ལ་ཕྱག་འཚལ་ལོ།  །

བདག་ཀྱང་ཁྱེད་ལྟར་སྦྱིན་པ་ཡི། །

ཕ་རོལ་ཕྱིན་པ་ཡོངས་རྫོགས་ཤོག །

བརྒྱ་བྱིན་བྲམ་ཟེ་མྱོས་བྱེད་མ།  །

ལེགས་པར་ཕ་རོལ་ཕྱིན་དང་ཉ། །

བྱ་དང་བུམ་པ་ཕྱུག་པོའི་བུ། །

དཀའ་ཐུབ་ཅན་དང་ཚོང་དཔོན་ནོ། །

ཚུལ་ཁྲིམས་ལེགས་པར་བསྲུང་བ་ཡི།  །

སེམས་དཔའ་རྣམས་ལ་ཕྱག་འཚལ་ལོ།  །

བདག་ཀྱང་ཁྱེད་ལྟར་ཚུལ་ཁྲིམས་ཀྱི།  །

ཕ་རོལ་ཕྱིན་པ་ཡོངས་རྫོགས་ཤོག །

བྱང་ཆུབ་ངང་པ་བྱང་ཆུབ་ཆེ། །

སྤྲེའུ་དང་རི་དྭགས་ཤ་ར་བྷ། །

རུ་རུ་སྤྲེལ་རྒྱལ་བཟོད་པར་སྨྲ། །

ཚངས་དང་གླང་ཆེན་དེ་དག་བཅུ། །

བཟོད་པ་ལེགས་པར་བསྲུང་བ་ཡི། །

སེམས་དཔའ་རྣམས་ལ་ཕྱག་འཚལ་ལོ། །

བདག་ཀྱང་ཁྱེད་ལྟར་བཟོད་པ་ཡི།  །

ཕ་རོལ་ཕྱིན་པ་ཡོངས་རྫོགས་ཤོག །

འདི་ཡན་སློབ་དཔོན་དཔའ་བོས་མཛད་པའོ། །