Advice on Abandoning the Eight Worldly Concerns—Tibetan

Advice | Tibetan Mastersཉག་བླ་པདྨ་བདུད་འདུལ་

English | བོད་ཡིག

ཉག་བླ་པདྨ་བདུད་འདུལ་

ཉག་བླ་པདྨ་བདུད་འདུལ་

Further Information:

༄༅། །འཇིག་རྟེན་ཆོས་བརྒྱད་སྤོང་བའི་གདམས་པ། །

༄༅། །འཇིག་རྟེན་ཆོས་བརྒྱད་སྤོང་བའི་གདམས་པ་ནི། ཨ་ཧོ། སྐལ་ལྡན་ལས་ཅན་སྐྱེས་མཆོག་རྣམས་ཀྱིས་གསོན། །རྙེད་དང་མ་རྙེད་བདེ་དང་མི་བདེ་བའི། །སྙན་དང་མི་སྙན་བསྟོད་དང་མ་བསྟོད་བཞི། །དེ་ལ་འཇིག་རྟེན་ཆོས་བརྒྱད་ཟེར་བ་ཡིན། །བཟང་ངན་གཉིས་འཛིན་དགའ་སྡུག་ཅན་དེ་ལ། །གཉིས་མེད་རང་གྲོལ་བྱ་བའི་མིང་ཡང་མེད། །ཆོས་བརྒྱད་ཞེན་པའི་སྒྲོག་གིས་འཆིང་བ་ཡིན། །བཟང་ངན་དགའ་སྡུག་རྣམ་པ་ཅི་བྱུང་ཡང་། །སྒྱུ་མའི་དཔེ་བཅུ་བཞིན་དུ་ཤེས་པར་གྱིས། །སྨྲ་བསམ་བརྗོད་བྲལ་བློ་འདས་རྫོགས་པའི་ངང་། །རེ་དོགས་མཐའ་བྲལ་ལྟ་བའི་ཀློང་དུ་ཞོག །ཅེས། འཇིག་རྟེན་ཆོས་བརྒྱད་སྤོང་བའི་གདམས་པ་འདི། །སློབ་མའི་ཚོགས་ཀྱིས་ཡང་ཡང་བསྐུལ་བའི་ངོར། །སྤྲང་རྒན་པདྨའི་མིང་གིས་བཀོད་པ་ཡིས། །རྗེས་འཇུག་བྱང་ཆུབ་བསྒྲུབ་པའི་རྣལ་འབྱོར་ལ། །འཇིག་རྟེན་ཆོས་བརྒྱད་བདུད་ཀྱིས་བསླུ་བ་དེ། །ཡིད་ལ་དྲན་པ་ཙམ་ཡང་མེད་པར་ཤོག །

• Download this text: EPUB MOBI PDF