Prayer to Longchenpa—Tibetan

Prayers | Tibetan MastersDilgo Khyentse Rinpoche | Tibetan Mastersམི་ཕམ་རིན་པོ་ཆེ། | Tibetan Mastersཀློང་ཆེན་རབ་འབྱམས།

English | 中文 | བོད་ཡིག

Dilgo Khyentse Rinpoche

Longchen Rabjam Drimé Özer

Further Information:

༄༅། །ཀློང་ཆེན་པའི་གསོལ་འདེབས་མི་ཕམ་རིན་པོ་ཆེའི་གསུང་ཁ་བསྒྱུར་བ་ནི།

གདོད་ནས་ལྷུན་གྲུབ་འོད་གསལ་རིག་པའི་གཤིས། །

འགྱུར་མེད་རྒྱལ་བ་ཀུན་དང་རོ་མཉམ་པ། །

མངོན་སུམ་གཟིགས་པ་ཀུན་མཁྱེན་ཆོས་ཀྱི་རྗེ། །

དྲི་མེད་འོད་ཟེར་ཞབས་ལ་གསོལ་བ་འདེབས། །

 

ཐེག་མཆོག་ལུང་དོན་ཚང་ལ་མ་ནོར་བ། །

དྲི་མེད་རིགས་པའི་ཚུལ་བཟང་གསལ་བྱེད་ཅིང༌། །

ཟབ་མོ་གནད་ཀྱི་མན་ངག་དང་ལྡན་པ། །

གསུང་རབ་ལེགས་བཤད་ཚོགས་ལ་གསོལ་བ་འདེབས། །

 

སྲས་བཅས་རྒྱལ་བའི་གསུང་དབྱངས་སེང་གེའི་སྒྲས། །

ལུང་བསྟན་ཇི་བཞིན་ནམ་ཞིག་མགོན་པོ་ཁྱོད། །

རྣམ་འདྲེན་རི་རབ་མར་མེའི་རྒྱལ་མཚན་དུ། །

མངོན་པར་བྱང་ཆུབ་བརྙེས་པ་དེ་ཡི་ཚེ། །

བདག་དང་བདག་གི་མ་གྱུར་འགྲོ་བ་ཀུན། །

ཞིང་དེར་རྒྱལ་སྲས་གཞོན་ནུའི་རྣམ་རོལ་གྱིས། །

བདེན་གསུང་ཆོས་ཀྱི་བདུད་རྩིར་ལོངས་སྤྱོད་ནས། །

སྟོབས་བཅུ་མངའ་བར་ལུང་བསྟན་རྙེད་གྱུར་ཅིག །

ཅེས་འཇམ་པའི་དབྱངས་མི་ཕམ་རིན་པོ་ཆེའི་གསུང་རྣམས་ཁ་བསྒྱུར་ཅུང་ཟད་བཅས་གསོལ་འདེབས་ཀྱི་ཚུལ་དུ་མངྒ་ལ་ཤྲཱི་བྷཱུ་ཏིས་བྲིས་པ་འདིས་ཀྱང་དགོངས་བརྒྱུད་ཡེ་ཤེས་ཀྱི་ཉིན་བྱེད་སྙིང་དབུས་ཀྱི་པདྨོར་འཆར་བའི་རྒྱུར་གྱུར་ཅིག

 

• Download this text: EPUB MOBI PDF