Encouraging the Activity of Nechung—Tibetan
Deities › Dharma Protectors | བོད་ཀྱི་བླ་མ། › གོང་ས་སྐྱབས་མགོན་ཆེན་པོ་མཆོག
Nechung Chökyong Dorje Drakden
Courtesy of Himalayan Art Resources
Further information:
༄༅། །གནས་ཆུང་ཆོས་རྒྱལ་ཆེན་པོའི་འཕྲིན་བསྐུལ་བཞུགས་སོ།།
བདེ་གཤེགས་རིགས་ལྔའི་ཡེ་ཤེས་སྒྱུ་འཕྲུལ་གར། །
བོད་ཁམས་སྐྱོང་མཛད་བསྟན་སྲུང་དྲེགས་པའི་གཙོ། །
འཕྲིན་ལས་རྒྱལ་པོ་སྤྲུལ་ཡུམ་བློན་པོར་བཅས། །
བདག་ཅག་གདུང་བའི་དབྱངས་ཀྱིས་ཉེར་བསྐུལ་ན། །
སྔོན་ཚེ་རྒྱལ་དབང་པདྨ་ཀ་ར་དང་། །
པད་དཀར་འཆང་བ་རིམ་པས་བཀའ་བསྒོས་ཤིང་། །
འདའ་དཀའི་དམ་ཚིག་གཉན་པོ་རབ་བསྒྲགས་པ། །
མ་གཡེལ་མ་གཡེལ་རྡོ་རྗེའི་དམ་ཚིག་དགོངས། །
བདག་ཅག་རྨོངས་དང་ཆགས་སྡང་ཕྱོགས་ལྷུང་གིས། །
ལས་འབྲས་མ་བསྲུངས་སྤྱི་དོན་རས་སུ་བོར། །
དམ་ཚིག་འགལ་སོགས་བསམ་སྦྱོར་ནོངས་པ་ཀུན། །
སྙིང་ནས་འཆགས་ཤིང་སྡོམ་ན་བཟོད་མཛོད་ལ། །
བསྟན་དང་བསྟན་འཛིན་སྐྱེ་འགྲོའི་བདེ་སྐྱིད་དང་། །
བསྟན་འཛིན་རྒྱ་མཚོའི་སྐུ་ཚེ་མཛད་འཕྲིན་སྤེལ། །
གངས་ལྗོངས་རྒུད་པའི་ཉེར་འཚེ་མྱུར་ཞི་ནས། །
ཆོས་སྲིད་རང་དབང་དགའ་སྟོན་སྒྲུབས་ཤིག་ཀྱེ། །
མདོར་ན་བསྟན་སྲུང་མཐུ་བོ་ཁྱོད་ཉིད་ལ། །
སྙིང་ནས་བསྐུལ་ཞིང་འདོད་དོན་གཉེར་གཏོད་ན། །
གློག་ལྟར་མྱུར་བའི་རྣམ་བཞིའི་འཕྲིན་ལས་ཀྱིས། །
བསམ་པའི་རེ་བ་སྒྲུབ་ལ་མ་གཡེལ་ཞིག །
ཅེས་པ་འདི་ཡང་འདི་གའི་གཞུང་ལས་སྤྱི་མགྲིན་ནས་བསྐུལ་ངོར་པད་དཀར་འཆང་བའི་སྐྱེ་མིང་འཛིན་པས་འཕྲིན་ལས་གཉེར་གཏོད་ཀྱི་སྨོན་པ་དང་བཅས་བོད་རབ་ལོ་དགུ་བརྒྱ་སུམ་ཅུ་སོ་དྲུག་ཆུ་སྟག་ཟླ་བ་དང་པོའི་ཚེས་གཅིག་ལ་སྦྱར་བའོ།། །།
