The Quintessence of the View—Tibetan
Literary Genres › Songs and Poems | Schools & Systems › Lamdré | བོད་ཀྱི་བླ་མ། › འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།
Patriarchs of the Khön Family
Courtesy of Himalayan Art Resources
Further information:
༄༅། །ལྟ་བའི་ཡང་སྙིང་བཅུད་ཕྱུང་།
འཁོར་འདས་དབྱེར་མེད་དོན་སྟོན་པའི། །
རང་སེམས་བླ་མར་གུས་བཏུད་ནས། །
བཤད་པའི་རྣམ་གྲངས་རྒྱ་ཆེ་ཡང་། །
མན་ངག་སློབ་བཤད་སྙིང་པོའི་བཅུད། །
གནད་དུ་དྲིལ་བ་འདི་ལྟ་སྟེ། །
ད་ལྟ་དྲན་རིག་སྣ་ཚོགས་ཀྱི། །
འཕྲོ་གཞིར་གྱུར་པའི་སེམས་འདི་ཉིད། །
མ་བཅོས་ཇི་བཞིན་བཞག་པ་ན། །
གསལ་སྟོང་ཟུང་འཇུག་དབྱེར་མི་ཕྱེད། །
དྭངས་གསལ་རྟོག་བྲལ་བརྗོད་མེད་ལ། །
མཚན་མཚོན་གདགས་གཞི་དང་བྲལ་བའི། །
གཉུག་མའི་རིག་པ་འདི་ཡི་སྟེང་། །
འཁོར་འདས་དབྱེར་མེད་ཚང་ཚུལ་ཤེས། །
གདོད་ནས་རྣམ་པར་དག་པ་ཡི། །
གསལ་གདངས་ཡེངས་མེད་འཛིན་བྲལ་བསྐྱངས། །
དེ་ཉིད་དོན་དམ་ཉམས་ལེན་མཐིལ། །
དེ་ཡིས་དབང་བཞིའི་ལམ་སྲོག་བཟུང་། །
དེས་ནི་ཚེ་འདིར་འགྲུབ་པར་འགྱུར། །
ཅེས་པའང་ས་ཁྱི་ས་ཟླའི་ཚེས་ཉེར་ལྔ་ལ་རྡོ་རྗེ་གླིང་དུ་བྲིས་པའོ།། །།
