Light Offering Prayer—Tibetan

Light Offering Prayers | Tibetan MastersShabkar Tsokdruk Rangdrol

English | བོད་ཡིག

Shabkar Tsokdruk Rangdrol

Shabkar Tsokdruk Rangdrol

Further Information:

༄༅། །མར་མེའི་སྨོན་ལམ་བཞུགས་སོ།།

ཨོཾ་ཨཱཿཧཱུྃ།

མར་མེའི་འོད་སྣང་འཇའ་འོད་དུ། །

གྱུར་པས་གནམ་ས་བར་སྣང་ཁྱབ། །

ནང་ནས་མཆོད་པའི་ལྷ་མོ་དང་། །

གང་འདོད་ལོངས་སྤྱོད་འབྱུང་གྱུར་ཅིག །

བླ་མ་ཡི་དམ་དཀོན་མཆོག་གསུམ། །

མཁའ་འགྲོ་ཆོས་སྐྱོང་ཚོགས་བཅས་ལ། །

དངོས་འབྱོར་ཡིད་ཀྱིས་སྤྲུལ་པ་ཡི། །

སྣང་གསལ་མར་མེ་འདི་འབུལ་ལོ། །

མར་མེ་ཕུལ་བའི་བསོད་ནམས་ཀྱིས། །

མ་རིག་མུན་པ་སངས་བར་ཤོག །

ལས་ངན་སྡིག་སྒྲིབ་དག་པར་ཤོག །

རྐྱེན་ངན་བར་ཆད་ཞི་བར་ཤོག །

ཚེ་དང་བསོད་ནམས་འབར་གྱུར་ཅིག །

ཉམས་རྟོགས་ཡོན་ཏན་འབར་གྱུར་ཅིག །

སངས་རྒྱས་བསྟན་པ་འབར་གྱུར་ཅིག །

འགྲོ་ལ་བདེ་སྐྱིད་འབར་གྱུར་ཅིག །

ཅེས་མར་མེའི་སྨོན་ལམ་འདི་ནི་རྣལ་འབྱོར་ཞབས་དཀར་བས་སྦྱར་བའོ། །སརྦ་མངྒ་ལཾ།། །།

 

• Download this text: EPUB MOBI PDF