Confession of Eight Branch Infractions & Downfalls—Tibetan

༄༅། །སྦོམ་ལྟུང་ཡན་ལག་བརྒྱད་པ།

རབ་དུ་བདེ་བ་འཕྲོག་པར་བྱེད། །

དམ་ཚིག་དག་དང་མི་ལྡན་པར། །

རིག་མ་བསྟེན་པར་དགའ་བ་ནི། །

ཡན་ལག་ཉེས་པ་དང་པོ་ཡིན། །

དང་པོ་ཕོག་པ་མཐོལ་ལོ་བཤགས། །

ཚོགས་ཀྱི་འཁོར་ལོར་བརྩོད་པ་ནི། །

ཡན་ལག་ཉེས་པ་གཉིས་པ་ཡིན། །

གཉིས་པ་ཕོག་པ་མཐོལ་ལོ་བཤགས། །

མ་གསུངས་པ་ཡི་རིག་མ་ལས། །

སྔགས་པས་བདུད་རྩི་འཐོབ་བྱེད་པ། །

ཡན་ལག་ཉེ་པ་གསུམ་པ་ཡིན། །

གསུམ་པ་ཕོག་པ་མཐོལ་ལོ་བཤགས། །

གསང་ཆོས་ཡན་ལག་ཤེས་གྱུར་ཀྱང་། །

གཞན་ལ་མི་སྟོན་ཤེས་རབ་ངན། །

ཡན་ལག་ཉེས་པ་བཞི་པ་ཡིན། །

བཞི་པ་ཕོག་པ་མཐོལ་ལོ་བཤགས། །

དད་པས་སེམས་ཅན་ཆོས་ཀྱི་རྒྱུ། །

གཞན་གྱི་གཏམ་བྱེད་བྱང་ཆུབ་སེམས། །

ཡན་ལག་ཉེས་པ་ལྔ་པ་ཡིན། །

ལྔ་པ་ཕོག་པ་མཐོལ་ལོ་བཤགས། །

ཉན་ཐོས་ནང་དུ་ཞག་བདུན་འདས། །

ཡན་ལག་ཉེས་པ་དྲུག་པ་ཡིན། །

དྲུག་པ་ཕོག་པ་མཐོལ་ལོ་བཤགས། །

རྣལ་འབྱོར་ཡེ་ཤེས་མི་ཤེས་པར། །

ང་ནི་སྔགས་པ་ཡིན་ཟེར་བ། །

ཡན་ལག་ཉེས་པ་བདུན་པ་ཡིན། །

བདུན་པ་ཕོག་པ་མཐོལ་ལོ་བཤགས། །

སྣོད་མིན་སེམས་ཅན་ཐམས་ཅད་ལ། །

ཕྱི་ཡི་ཆོས་བཤད་ཡིན་པ་ལ། །

གསང་བའི་དོན་རྣམས་འཆད་པ་ནི། །

ཡན་ལག་ཉེས་པ་བརྒྱད་པ་ཡིན། །

བརྒྱད་པ་ཕོག་པ་མཐོལ་ལོ་བཤགས། །

ཞེས་པ་ནི་རྒྱུད་ལས་སོ། །དགེའོ།།