Dorje Gotrab—Tibetan

Vajrapāṇi | Sickness & Healing | Tibetan Mastersབདུད་འཇོམས་རིན་པོ་ཆེ།

English | བོད་ཡིག

བདུད་འཇོམས་རིན་པོ་ཆེ།

Vajrapāṇi

Further Information:
Download this text:

༄༅། །རྡོ་རྗེ་གོ་ཁྲབ་རྒྱུན་ཁྱེར་བཞུགས།

 

རང་ཉིད་ཕྱག་རྡོར་མཐིང་ནག་རྔམས། །

རྡོ་རྗེ་སྦྲུལ་ཞགས་འཛིན་པ་ཡི། །

སྐུ་ལ་དུར་ཁྲོད་དཔལ་ཆས་རྫོགས། །

ཞབས་ཟུང་པད་ཉིར་འདོར་སྟབས་བགྲད། །

ཡེ་ཤེས་མེ་དཔུང་ཀློང་དུ་བཞུགས། །

སྐུ་ལས་མེ་ཁྱུང་ལྕགས་སྡིག་དང༌། །

ཕག་ནག་རླུང་མེ་བཙན་དུག་གི །

ངད་རླངས་སེར་རླུང་འཚུབས་ལྟར་འཕྲོས། །

ནད་རིམས་གདོན་བགེགས་བརླག་པར་བསམ། །

ཧཱུྃ་བཛྲ་ཕཊ༔ ཨོཾ་པདྨ་ཤ་ཝ་རི་ཕཊ༔ ནན་པར་ཤིག༔ ནཱ་ག་ནན༔ ཏདྱ་ཐཱ༔ སརྦ་ཝི་རི་ཏ༔ ཧ་ན་ཧ་ན༔ བཛྲེ་ན་རཀྵ་རཀྵ་སྭཱ་ཧཱ༔

ཞེས་ཅི་འགྲུབ་བཟླ་ཞིང་ཐུན་མཇུག་ཏུ་གཟུངས་ཆུ་ལ་བསྔགས་ཏེ་བཏུང་བྱུག་བྱ་བའམ། རྒྱུན་དུ་སྣ་བུག་ཏུ་ཕུ་གདབ། ཐུན་བསྡུ་བའི་སྐབས་ནད་གདོན་ཐམས་ཅད་རྗེས་མེད་དུ་བརླག་ནས་བསྲུང་བྱ་སྲུང་བྱེད་ལས་འདས་པའི་གནས་ལུགས་ཀྱི་ངང་བསྐྱངས་ཏེ་ཅུང་ཟད་མཉམ་པར་བཞག །སླར་ཡང་དེའི་ངང་ནས་ལྷ་སྐུར་ལྡང་ལ་བསྔོ་སྨོན་ཤིས་བརྗོད་སྤེལ་ལོ། །

 

ཞེས་པ་འདིའང་ཡང་ཁྲོས་རྩ་སྒྲུབ་སྲུང་བའི་འཁོར་ལོ་ནས་རྒྱུན་ཁྱེར་དུ་བླངས་པ་སྟེ་ཛྙཱ་ནས་སོ།། །།

 

Vajrayāna Buddhism places restrictions on the reading and practice of certain texts, which are intended only for those who have received the requisite empowerments, transmissions and instructions.

If you are unsure as to whether you are entitled to read or practice a particular text please consult a qualified lineage-holder.

OK