Long-Life Prayer for Lochen Dharmaśrī—Tibetan

༄༅། །ལོ་ཆེན་ངག་དབང་ཆོས་དཔལ་གྱི་བརྟན་བཞུགས།

རྒྱལ་ཀུན་འདུས་པ་རྔ་ཡབ་གླིང་པ་ཡི། །

ཐུགས་རྗེའི་ཉི་མའི་འོད་ཀྱིས་མཚུན་ལྷའི་མུན། །

མཐར་བྱས་འཆི་མེད་གྲུབ་པའི་ཕན་དང་བདེའི། །

སྣང་བ་དམ་པས་ཁམས་གསུམ་ཡོངས་ཁྱབ་ཤོག །

ཐ་སྙད་མདོ་སྔགས་གཞུང་ལུགས་རྒྱ་མཚོ་ཆེ། །

སྨྲ་མཁས་ངག་གི་དབང་ཕྱུག་ཆོས་རྣམས་ལ། །

འཆད་རྩོད་རྩོམ་པའི་དཔལ་གྱིས་དབང་འབྱོར་བ། །

འཇིག་རྟེན་མིག་གཅིག་བསྐལ་བརྒྱར་ཞབས་བརྟན་ཤོག །

སྒྲུབ་སྡེ་བརྒྱད་དང་འབར་མ་མ་ནིང་སོགས། །

ཡི་དམ་ཆོས་སྲུང་རྒྱ་མཚོའི་ཚོགས་རྣམས་ཀྱིས། །

རིགས་འཛིན་ཆོས་རྗེར་སྔར་གྱི་སྲི་ངན་ཀུན། །

རབ་ཞི་གཡུང་དྲུང་ལྟ་བུར་བརྟན་པར་ཤོག །

ལོ་ཆེན་ངག་དབང་ཆོས་དཔལ་གྱི་བརྟན་བཞུགས་ཤིག་དགོས་ཞེས་ཆོས་མཛད་ངག་དབང་འཕྲིན་ལས་ཀྱིས་བསྐུལ་བ་ལྟར་ཟ་ཧོར་བནྡེས་སྦྱར་བའི་ཡི་གེ་པ་ནི་གནས་བརྟན་འཇམ་དབྱངས་གྲགས་པའོ།།