Spontaneously Written Song—Tibetan

Schools & Systems › Dzogchen | Literary Genres › Songs and Poems | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

༄༅། །ཐོལ་བྱུང་དུ་བྲིས་པའི་མགུར།

ཨ་ཧོ།
སེམས་ཅན་ཀུན་ལ་ཡོད་པའི། །
ཡེ་གྲོལ་རྫོགས་པ་ཆེན་པོ། །
གཞན་ནས་བཙལ་དུ་མི་དགོས། །
ཡེ་ནས་ཆོས་ཉིད་ཀ་དག །
རང་བཞིན་གཤིས་ཀྱི་གནས་ལུགས། །
འདི་ཀོ་ངོ་འཕྲོད་དེས་ཆོག །
བློས་བྱས་བཟོ་བཅོས་མི་དགོས། །
སྒྲིམས་ལྷོད་ལ་སོགས་མཚན་འཛིན། །
ཡིད་དཔྱོད་ཆོས་ཀྱིས་མ་བསླད། །
འཕྲོ་གནས་གང་ལྟར་བྱས་ཀྱང་། །
རིག་པའི་རྩལ་ལས་གཞན་མེད། །
འཁོར་བ་ངན་དུ་མ་སོང་། །
མྱང་འདས་བཟང་དུ་མ་གྱུར། །
གཟུང་འཛིན་གཉིས་རྟོག་ཐམས་ཅད། །
ཆོས་དབྱིངས་བརྡལ་ཁྱབ་ཆེན་པོར། །
ཐིག་ལེ་ཉག་གཅིག་ཀློང་དུ། །
དབྱེ་བསལ་མེད་པར་མཉམ་མོ། །
དེ་ཉིད་བླ་མའི་དྲིན་ལས། །
སྐད་ཅིག་རྟོགས་པའི་མོད་ལ། །
དེ་མ་ཐག་ཏུ་གྲོལ་བ། །
ཨ་ཏི་རྫོགས་ཆེན་ཁྱད་ཆོས། །
འོད་གསལ་གསང་བའི་མན་ངག །
འདི་ལས་མྱུར་ལམ་ཟབ་པ། །
མདོ་རྒྱུད་ཀུན་ན་མེད་པས། །
འདི་འདྲ་འཕྲད་པ་བློ་བདེ། །
ཕ་རྗེས་བུ་ཡིས་ཟིན་པར། །
ཀུན་མཁྱེན་བླ་མས་བྱིན་རློབས། །

ཅེས་པའང་ཐོལ་བྱུང་དུ་བྲིས།