མོ་རི་བའི་ཨ་ནེ་ཉྭ་རན།
༄༅། །མོ་རི་བའི་ཨ་ནེ་ཉྭ་རན།
སྒོམ་ཆེན་མ་ཉྭ་རན་ནི་རྦེ་ཀྲོས་མོ་རི་བོར་བཞུགས། ཁོང་གི་མཚན་གཞན་ལ་མོ་རིའི་ཨ་ནེ་ཡང་ཟེར། ཁོང་ལ་ཨ་ནེ་ཐོགས་པ་ལ་གཏམ་རྒྱུད་འདི་འདྲ་ཞིག་ཡོད། ཉྭ་རན་ནི་ཀ་ཨན་གྱི་སྒོམ་ཆེན་ཏ་ཡེས་ཀྱི་ཆོས་རྒྱུད་ཡིན། མོ་ཏ་ཡེས་ཀྱི་མདུན་དུ་རྟོགས་པ་ཡོངས་སུ་རྫོགས་པ་སད་རྗེས། རྦེ་ཀྲོས་ཀྱི་རི་བོ་ལ་ཕེབས་ཏེ་འཁོར་ཚོགས་བསྡུས་ཏེ་ཆོས་བཤད། གདུལ་བྱ་སུ་ཡིན་ཀྱང་བསྡུས་བས་ན་གྲུབ་མཐའ་ཀུན་གྱི་མི་སྣ་ཚོགས་འདུས ནམ་རྒྱུན་ཕེབས་ཏེ་ཉམས་ཚད་ལེན་ཞིང་རྩོད་པ་བྱེད་པ། སྒོམ་བཤད་གྲོས་གླེང་མཛད། ཉིན་ཞིག་ཚད་འཛིན་མ་ཤེས་པའི་གྲྭ་པ་མཚན་ལ་ཀྲི་ཤན་ཟེར་བ་ཞིག་ཕེབས།ཁོང་ང་རྒྱལ་ཧ་ཅང་ཆེ་བས་ཐ་མར་བ་ཞིག་མིན་སྙམ་མཁན་ཞིག་ཡིན། དེ་ཕྱིར་ཁོང་ཕྱིན་པའི་དོན་ནི་མོས་རི་ཨ་ནེ་ལ་ཕམ་ཁ་སྤྲད་པའི་ཆེད་དུ་ཡིན། ཁོང་ཡང་ཡང་ག་བ་ག་ལ་ཡིན། ཁོང་ནི་ཝེ་སྲིད་ཀྱི་འབངས་མི་ཧོས་པེ་ཞིང་ཆེན་ཀན་ཐའི་ནས་ཡིན།ཁྱིམ་རེས་ཧྲི། ལོ་ན་ཆུང་དུས་སྒོམ་ཆེན་པེ་ཡན་གྱི་མདུན་དུ་རབ་ཏུ་བྱུང་། རྗེས་ནས་སྒོམ་ཆེན་ནུན་ཅེས་ཡེས་བཤན་གྱི་མདུན་དུ་འོང་། ནུན་ཅེས་སྒོམ་ཆེན་ནི་ཐུགས་དྲག་ཅན་ཞིག་ཡིན། གདུལ་བ་འདུལ་ཐབས་ལ་ཆ་བཞག་གཏན་ནས་མེད། རེ་འགའ་རེ་ལ་མི་རེ་བཟུང་སྟེ་ཚིག་ངན་སྦྱིན་པ་དང་རྡུང་རྡེག་མཛད། དེའི་ཉིན་ཀྲི་ཤན་འོང་བ་མཐོང་ནས་ཐུགས་ཧ་ཅང་སྤྲོ་འདུག ཁོང་ལ་འགྲན་པར་འདོད་ནས། སྐབས་དེར་ནུན་ཅེས་མདུན་སོང་སྟེ་སྤར་གང་གུས་བྲང་སྒོ་ནས་བཟུང་། ཀྲི་ཤན་བྱེའུ་ཆུང་ཁྲས་ཁྱེར་བཞིན་རེ་ཞིག་ལ་ཅི་ཡང་མ་བྱས། ནུན་ཅེས་ཀྱིས་སྐད་གསང་མཐོ་བར་ལན། ལན། ལན་ཞེས་གསུངས།དེ་སྐབས་ཀྲི་ཤན་གྱི་རྣམ་རྟོག་མེད་པར་དར་ཅིག་ཏུ་ལུས། ནུན་ཅེས་ཀྱིས་དེ་ལས་ཅི་བྱ་མེད་པས་སྤར་ཁ་ལྷོད་དེ་ཁོ་བོ་མངག་བཞིན་དུ་ཁྱེད་ད་རབས་མངག་འཇོག་ཅེས་གསུངས། ཀྲི་ཤན་ལ་མ་བརྡུངས་བ་ནི་དོན་ཆེན་ནང་གི་ཡང་ཆེན་རེད། དེ་ནས་བཟུང་ཀྲི་ཤན་གྱི་ཐུགས་རྒྱུན་ནུན་ཅེས་ཀྱི་ཆོས་ཐོས། གང་ལའང་འཇིགས་སྐྲག་མེད་པར་འགྱུརཐམས་ཅད་ལའང་རང་དབང་ཐོབ་སོང་སྙམ། རྗེས་ནས་ཁོས་བདག་གི་ནུན་ཅེས་མཐོང་དུས་ངས་ཡང་མི་བཤད་པ་དེས་ད་ལྟའི་བར་དུ་ཕོ་བ་བརྒྱག་ནས་ལྟོག་མ་མྱོང་གསུངས་བ་ལ་ཁག་མེད། སྒོམ་ཆེན་པ་ཤེས་ཡན་རྦེ་ཡིས་ཚུལ་དེ་གྱིས་ཚུལ་དེ་ལ་བསྔགས་བརྗོད་གནང་མྱོང་བ་ནི། ཆར་བ་དྭངས་ཤིང་སྤྲིན་ཐོརརྗེས། །ལྗིད་པའི་རི་བོ་བཅུ་ཕྲག་ཙམ། །ར་བར་བརྟེན་ནས་ཕྱོགས་རྣམས་སུ། །ཕྱིར་མིག་བལྟས་ཀྱང་སུ་དང་མཚུངས། །ཞེས་གསུངས། བལྟས་འོང་ན་ཀྲི་ཤན་དེ་སུ་དང་ཡང་མི་འདྲ་ཞིག་ཡིན་ཡང་། ཕངས་འོས་པ་ཞིག་ལ་ཁོང་ཡང་རི་ཕྱེད་ཙམ་ན་ལྷག་ཡོད། དེའི་ཉིན་དེ་ལ་ཀྲི་ཤན་ཡང་མོ་རི་ལ་ཕེབས་དོན་ནི། སྔོན་ནས་མོ་རི་ལ་ཕེབས་དོན་ནི། སྔོན་ནས་མོ་རི་བོའི་མཚན་སྙན་ཐོས་མྱོང་། དེ་རིང་ཁོའི་སེམས་ལ་གལ་ཏེ་ཉྭ་རན་གྱི་སྒོམ་ཚད་ཧ་ཅང་མཐོ་ན། དེ་རུ་རྒྱུན་དུ་འདུག་ཀྱང་མི་ཆོག་པ་མེད། དེ་མིན་ན་སྒོམ་ཁྲིད་དེ་མེད་པར་བྱེད་དོ་སྙམ། ཀྲི་ཤན་གྱིས་ཉྭ་རན་རྒྱ་མ་དུ་ཡོད་ཅིག་འཇལ་བར་བྱེད་འདོད་དེ། མ་ཕོམ་སྟེ་ས་ལ་འགྱེར་བ་ཞིག་བྱེད་དགོས་སྙམ། དེ་ལྟ་བུའི་འདུ་ཤེས་དྲག་པོའི་ངང་དུ་སྒོམ་ཁང་དུ་སོང༌། མོ་རི་བས་ཅི་ཡང་མ་གསུངས། ཉྭ་རན་གྱི་མདུན་འདུག་གིས་ཀྲི་ཤན་ལ་ཁྱེད་འདིར་རི་འཁྱམ་དུ་འོང་ངམ། སངས་རྒྱས་ཀྱི་ཆོས་ཆེད་དུ་འོང་ཞེས་དྲིས། ཡིན། སངས་རྒྱས་ཀྱི་ཆོས་ཀྱི་ཆོས་ཀྱི་ཆེད་འོང་ཞེས་ལན་བཏབ་སྟེ་ཡིན་ཡིན་ལྟར་དུ་བཞུགས། དེ་ཕྱིར་ཉྭ་རན་ཆོས་ཁྲིའི་སྟེང་དུ་བཞུགས་ནས་དངོས་སུ་ཆོས་རྩོད་ཀྱི་མགོ་བརྩམ། ཀྲི་ཤན་ཡང་དེ་མ་ཐག་ཏུ་ཉྭ་རན་གྱི་མདུན་དུ་འོང་སྟེ་གུས་འདུད་ཞུས། ཉྭ་རན་གྱིས་ཁྱེད་གང་ཁ་བྲལ་ནས་འོང་ཞེས་ཞལ་དང་པོ་གྲགས། ཀྲི་ཤན་ང་ལམ་ཁ་དང་བྲལ་ནས་འོང་ཞེས་ལན་བཏབ། ཡང་ཉྭ་རན་གྱིས་ཁྱེད་ཀྱི་ཅིའི་མ་བཀག་ཅེས་དྲིས། ཀྲི་ཤན་གྱི་ཞལ་གྲགས་ཐབས་མེད་པར་གྱུར། ཅི་ཞིག་བཀག །ཀྲི་ཤན་ཁོ་རང་བཀག་ཟིན། ཀྲི་ཤན་གྱིས་ཕྱག་འཚལ་བས་ཐབས་གཞན་མ་རྙེད།དྲི་བ་གཅིག་གིས་ཀྲི་ཤན་ཕམ་པ་དེ་ཁོའི་བླ་མ་ནེན་ཅེས་དེ་ལ་ངོ་ཚ་གཏད་པར་ཡང་གྱུར། ཀྲི་ཤན་གྱིས་དེ་ཙམ་ཞིག་རང་ཕམ་པ་དེ་ཁས་མ་བླང་བར་སླར་ཡང་སྤོད་པ་བསྐྱེད་དེ་ཉྭ་རན་ལ་ཅི་ཞིག་ལ་མོ་རི་ཟེར་ཞེས་དྲིས། མོས་རྩེ་མོ་མི་བུད་པའོ། །ཞེས་ལན་བཏབ། རྩེ་གཟུགས་མ་མཐོང་བ་དེས་རྗེས་མེད་དུ་དྭངས་སོང་། ཀྲི་ཤན་གྱིས་ཡང་ངའི་ཁ་གཏད་ཀྱི་མི་འདི་སུ་ཞེས་དྲི་བཞིན་བསམ་པ་ལ་སྣང་བ་དང་སྣང་ཡུལ་འགལ་བས་རྔ་མ་རེ་རྙེད་སྲིད། དེ་རྙེད་ན་སྒོམ་ཁྲིད་དེ་མེད་པར་བྱེད་སྙམ། ཡང་བསྐྱར་མོ་རི་བོའི་བདག་པོ་དེ་ཅི་འདྲ་ཡིན་ཞེས་དྲི་བ་གཉིས་བཀོད།མོས་ལན་དུ་ཕོ་མིན་མོ་མིན་ཞེས་བཏབ། ཀྲི་ཤན་གྱིས་བསམ་པར་མོས་ད་ཐེངས་གཟུགས་ཤིག་ཁས་བླངས་བས་ད་ཝ་མོའི་རྔ་མ་ཟིན་སོང་སྙམ་ནས་སྐད་གསང་མཐོན་པོས་འོ་ན་ཁྱེད་ཅི་ཕྱིར་གཅིག་ཏུ་མི་སྒྱུར་ཞེས་དྲིས། ཀྲི་ཤན་གྱི་མགོ་བོ་རྨོངས་སོང་། མོ་རི་བོའི་ཨ་ནེ་དེ་མདོ་པད་དཀར་དུ་གསུངས་བའི་ཀླུ་མོ་ཡིན་སྙམ་མམ། ཉྭ་རན་མོ་སངས་རྒྱས་སུ་བསྒྱུར་སྙམ་མམ།འོན་ཀྱང་ཉྭ་རན་གྱིས་དལ་བའི་ངང་དུ་ལྷ་མིན་ལ་འདྲི་ཡང་མིན་ཞན་ཅི་ཞིག་ཏུ་བསྒྱུར་ཅེས་ལན་བཏབ། ཀྲི་ཤན་ད་ཐེངས་ཡོངས་སུ་བཀག་ཟིན་པས་ཁས་མི་ལེན་ཐབས་ཟད་པར་གྱུར། དྲི་མེད་གྲགས་པའི་མདོའི་ནང་དུ་རིའི་བུས་བྱང་ཆུབ་སེམས་མ་ལྷ་མོ་མཐོང་བ་དང་འདྲ། སྒོམ་ཆེན་ལྷ་བུ་ཀྲན་ཇེ་གནས་ཚུལ་དེ་ལ་བསྔག་བརྗོད་འདི་འདྲ་གནང་། ཕོ་མིན་མོ་མིན་གཟུགས། ཡོད་མེད་ཚད་ལས་འདས། གཡོ་ཐབས་ཁྲི་མངོན་སྔོན། སྲིད་གསུམ་གནས་ལས་བརྒལ། དོན་མཐར་ཐུག་ཅིང་བྱང་ཆུབ་པ། ཚིག་སླ་ཞིང་རན་པ། ཤིང་སྡོང་རླུང་དང་ལྡན་ཞིང་མཚན་མོ་ཀྲང་། ཆུ་བོ་ཆར་དང་འདྲས་ཤིང་དཔྱིད་དུས་རྒྱས། ཞེས་གསུངས། བལྟས་འོང་ན་སྤར་རི་འདི་སྤར་རི་བཟང་པོ་དང་། ཆུ་བོ་ཡང་ལས་དང་འགྲོགས་ཏེ་ཤར་ལྷོ་རུ་བཞུར་སོང་། སྒོམ་ཆེན་ཙི་ཏེ་ཧེན་གྱིས་ཀྱང་། ཕོ་མིན་མོ་མིན་ཅིག་རྐྱང་རང་དབང་ཅན། སྐུ་ལུས་སྡེམ་སྡེམ་སུ་ཡིས་མཐོ་སྙེག་ནུས། ཚིག་གཅིག་མེད་ཀྱང་ལྷ་ཡི་སྤྱན་སྟོང་ལྡན། ཨ་སྔོན་གནམ་དུ་རླུང་མེད་ཟླ་བ་གསལ་ཞེས་གསུངས། ནམ་མཁའི་ཟླ་བ་ནི་དོ་ནུབ་ལྷག་པར་དུ་གསལ་ལོ། །དེ་ནས་བཟུང་ཀྲི་ཤན་ཡང་དགའ་བཞིན་སྤྲོ་བཞིན་དུ་མོ་རི་བོར་ལོ་གསུམ་ལ་ཚལ་ར་ནང་དུ་འགན་ཁུར་ནས་བཞུགས། ཉིན་བཞིན་དུ་དཀའ་བ་སྤྱད་ནས་མོ་རི་བ་ལ་ཞབས་བཏགས་ཕུལ། ཚོད་མ་ལྗིད་པོ་ཁུར་ནས་ཟ་ཁང་དུ་ཟ་མ་ལས་པའི་བྱ་བ་འབའ་ཞིག་ལ་འབད་དེ་ཁོང་རང་ཚོས་བློ་བདེའི་ངང་དུ་ཆོས་རྩོད་པ་དང་སྒོམ་པར་མཛད། ཀྲི་ཤན་རྗེས་ནས་ཧོ་ལན་ཁྲང་སའི་ཀན་ཤས་རི་ནས་བཞུགས། དེ་ནས་ཀན་ཤས་ཀྲི་ཤས་ཞེས་མཚན་ཐོགས། ཉིན་ཞིག་ཚོགས་གྲལ་དུ་ངས་ནུན་ཅེས་མེས་པོའི་སྐུ་མདུན་དུ་ཕྱེད་ཀ་རྙེད་ལ། མོ་རིའི་ཨ་ནེ་ནས་ཕྱེད་ཀ་རྙེད་པས་སྡོམ་ན་ཁ་ཚང་ཞིག་རྙེད། ཟས་ཚར་ནས་ད་བར་ཡང་བརྒྱགས་ནས་བཀྲེས་མ་མྱོང་ཞེས་གསུངས། བལྟས་འོང་ན་ཀན་ཤས་འདི་ཉིད་ཀྱིས་མོ་རིའི་ཨ་ནེ་མཚན་སྙན་གནམ་འོག་ཏུ་རྨོས་བས། ད་བར་འབྲུག་ལྟར་གྲགས་འདུག །མོ་རིའི་ཨ་ནེ་ཡི་གཞན་ཕན་གྱི་ཕྲིན་ལས་ཚད་ལས་འདས། ཐབས་མཁས་ཁྲི་སྟོང་གིས་སེམས་ཅན་འདུལ་བར་མཛད། མི་སེམས་སོར་རྩེ་མས་བསྟན། ཡང་རབ་བྱུང་ཞིག་གིས་ཨ་ནེ་ཉྭ་རན་ལ་སྒོམ་བའི་ཆེད་མདུན་དུ་འོང་། མོས་ཁོ་ལ་འབག་བརྩོད་ཆེན་པོ་ལས་སྐྱེ་བ་ཞེས་སྨྲས། ཉྭ་རན་གྱིས་ཁོ་ལ་རྩོག་ལྟ་བར་འདོད་ནས་མེ་ལོང་ཞིག་ཁོ་ལ་བསྟན། དཔེར་ན་སྒང་ལུ་ཞིག་ཁྱི་ཡི་མདུན་དུ་འཕང་སྟེ་ཁ་གཙེས་པ་བཞིན། རབ་བྱུང་དེ་ཡིས་སྒང་ལུ་དེ་ལ་ཁྱིས་སོ་བཏབ་བཞིན་ལྕགས་ཀྱུས་བཟུང་བར་འགྱུར། དེ་ལྟར་ཡིན་ཡང་སེང་གེ་ཞིག་གི་བུ་ཡིན་ཞེས་ཉ་མོ་ལྕགས་ཀྱུས་བཟུང༌། འབྲོ་ས་མེད་པར་རང་གིས་རང་འཛིན་པར་བྱས་རང་སེང་གེའི་བུ་ཡིན་པར་ཁས་བླངས། ཨ་ནེ་ཐེ་ཚོམ་ཟ་བའི་ཉམས་ཀྱིས་སེང་གེའི་བུ་ཡིན་ན། འཇམ་དཔལ་གྱི་ཆིབས་པ་ཅིའི་ཕྱིར་ཡིན་ཞེས་གསུངས། རབ་བྱུང་དེས་ལན་སྦྱིན་ཐབས་ཟད། རབ་བྱུང་དེ་བསམ་བློ་བཞི་གསུམ་བཅུ་གཉིས་བཏང༌། བློ་རྩེ་ཉི་རྩ་བཞི་བཀོད་དེ་ཨ་ནེ་ཉྭ་རན་གྱིས་ལན་མི་ལོན་པའི་བ་ཞིག་བཙལ།རབ་བྱུང་གིས་ཨ་ནེ་ལ་གདོད་མའི་སངས་རྒྱས་ཀྱི་ཐུགས་དེ་ཅི་འདྲ་ཞིག་ཡིན་ཞིས་དྲིས། ཁོ་རང་གིས་བསམ་པར་བྱམས་དང་སྙིང་རྗེ། ཤེས་རབ་དང་ལྡན་པ། བྱང་ཆུབ་པ་སོགས་ལ་འདས་བར་མི་ནུས་པས་ཚར་གཅད་ཆོག་སྙམ། མ་བསམ་ས་ནས་ཉྭ་རན་འཇིག་རྟེན་ཐམས་ཅད་མེད་སོང་ནའང་། ཞེས་ལན་སྦྱིན། ཁོས་ཅིའི་ཕྱིར་ན་འཇིག་རྟེན་འདི་མེད་ན་དགའ་ཞེས་དྲིས། ཡང་ཉྭ་རན་གྱིས་བདག་གི་ལུས་མེད་ན་ཅི་མ་རུང་ཞེས་གསུངས། དུས་གསུམ་རྒྱུན་ཆད། རྟོགས་དཀའ་གནས་ལུགས་ཀུན་རྟོགས། ང་བདག་སྟོང་པར་གྱུར། ཡིན་ན་ཡང་ཨ་ནེའི་ཐུགས་སྙིང་རྗེ་ཆེན་པོས་བདག་གི་ལུས་འདི་མེད་ན་ཅི་མ་རུང་འང་ཞེས་པས་གདོད་མའི་སངས་རྒྱས་ཀྱི་ཐུགས་གསལ་བར་ཤེས་སོ།། །།མཁན་མོ་ཟླ་བ་སྒྲོལ་མས་རྒྱ་ནག་གི་ཡི་གེ་ལས་བོད་ཡིག་ཏུ་བསྒྱུར།།
