བླ་མ་སྒྲུབ་པའི་བརྒྱུད་འདེབས༔
༁ྃ༔ བླ་མ་སྒྲུབ་པའི་བརྒྱུད་འདེབས༔
ཨེ་མ་ཧོ༔
བདེ་ཆེན་ཆོས་སྐུའི་ཞིང་ཁམས་ནས༔
འགག་མེད་ལོངས་སྐུའི་སྒྱུ་འཕྲུལ་ངོམས༔
ཐུགས་རྗེའི་རོལ་རྩལ་སྤྲུལ་པའི་སྐུ༔
སློབ་དཔོན་པདྨ་སཾ་བྷ་ཝ༔
གྲུབ་པའི་དབང་ཕྱུག་ཐང་སྟོང་རྒྱལ༔
དེ་ཡི་ཕྲིན་ལས་འཛམ་གླིང་གི༔
འདྲེན་པ་མཚུངས་མེད་བླ་མ་ལ༔
སྒོ་གསུམ་གུས་པས་གསོལ་བ་འདེབས༔
ཕྱི་ནང་གསང་བའི་བར་ཆད་ཞི༔
ཉམས་དང་རྟོགས་པའི་ཡོན་ཏན་འཕེལ༔
ས་ལམ་ཡོན་ཏན་ཚུལ་བཞིན་ཐོབ༔
རིང་པོར་མི་ཐོག་ད་ལྟ་ཉིད༔
དོན་གཉིས་ལྷུན་གྱིས་འགྲུབ་པར་ཤོག༔
དེ་ལྟར་གསོལ་བ་བཏབ་པའི་མཐུས༔ བྱིན་རླབས་འཇུག་པར་ཐེ་ཚོམ་མེད༔
ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏེར་རྒྱ༔
ཨོ་རྒྱན་ཕྲིན་ལས་གླིང་པས་སོ།།
