འཇམ་དཔལ་བསྟོད་པ་བློ་གྲོས་དཔལ་བསྐྱེད།

༄༅། །འཇམ་དཔལ་བསྟོད་པ་བློ་གྲོས་དཔལ་བསྐྱེད་བཞུགས།

མདུན་གྱི་ནམ་མཁར་སྤྲིན་དཀར་འཁྲིགས་པའི་དབུས། །འཇའ་ཚོན་ལྡིང་ཁང་འོད་ཟེར་འབར་བའི་དཀྱིལ། །པད་ཟླའི་གདན་ལ་རྒྱལ་ཀུན་མཁྱེན་རབ་གཟུགས། །ལི་ཁྲིའི་མདངས་འཛིན་མཚན་དཔེའི་ལང་ཚོ་ཅན། །ཕྱག་ན་རྨོངས་པའི་དྲྭ་བ་གཅོད་པའི་མཛོད། །མཐིང་སྔོན་ཡེ་ཤེས་མེ་འབར་རལ་གྲི་ཕྱར། །ཟབ་རྒྱས་ཆོས་ཀུན་ཐུགས་སུ་ཆུད་པའི་བརྡར། །ཨུཏྤལ་སྟེང་ན་གླེགས་བམ་མཚན་པས་བསྣམས། །རིན་ཆེན་རྒྱན་དང་དར་གྱི་ནབས་བཟའ་ཅན། །སྐྱིལ་མོ་ཀྲུང་བཅས་འཛུམ་བཞིན་བདག་ལ་གཟིགས། །བལྟ་བས་མི་ངོམས་ཡིད་འོང་གཞོན་ནུའི་སྐུ། །བསམ་གྱིས་མི་ཁྱབ་ཡེ་ཤེས་མཛོད་ཅན་བདག །བདག་ནི་སྔོན་གྱི་སྒྲིབ་པ་མཐུ་བཙན་པས། །ལྷག་པའི་ལྷ་མཆོག་ཁྱོད་ཀྱི་ཞལ་མ་མཐོང་། །སྲིད་པའི་བཙོན་རར་རྨོངས་པའི་སྒྲོག་གིས་བཅིང་། །ཡེ་ཤེས་ཐུགས་རྗེའི་ཕྱག་གིས་དྲངས་རེ་རན། །མཁྱེན་རབ་ཉི་མས་བདག་བློའི་མུན་པ་སོལ། །བསོད་ནམས་ཤུགས་ཀྱིས་འགྲོ་བའི་རྒུད་པ་གཏོར། །ཤེས་བྱ་ཀུན་ལའང་ཆགས་ཐོགས་མེད་པ་ཡི། །བློ་གྲོས་སྤོབས་པའི་སྣང་བ་བསྐྱེད་དུ་གསོལ། །ཟླ་གསལ་ནས་བྲིས།།