དག་སྣང་ཡེ་ཤེས་དྲྭ་བ་ལས༔ སྣང་མཐས་མངོན་སུམ་གསུངས་པའི་སྨོན་ལམ༔
༁ྃ༔ དག་སྣང་ཡེ་ཤེས་དྲྭ་བ་ལས༔ སྣང་མཐས་མངོན་སུམ་གསུངས་པའི་སྨོན་ལམ་བཞུགས་སོ༔
ན་མོ་གུ་རུ་ཡེ༔
རང་རིག་བྱང་ཆུབ་སེམས་ཀྱི་གདིང་ཆེན་པོས༔
ཨེ་མ་ཧོ༔
རང་སྣང་རྣམ་དག་དོན་གྱི་འོག་མིན་དབྱིངས༔
ཡེ་ཤེས་བཀོད་པ་འཕྲུལ་གྱི་ཞིང་ཁམས་སུ༔
གཞི་ཡི་ཆོས་སྐུ་རྒྱལ་བ་འོད་དཔག་མེད༔
རང་རྩལ་བྱང་སེམས་ཚོགས་ཀྱི་ཚོམ་བུར་ངོམས༔
ཤེས་རབ་ཡེ་ཤེས་མངོན་གྱུར་རྩལ་ཤུགས་ཀྱིས༔
ནམ་ཞིག་སྣང་བ་གནས་སུ་འགྱུར་བའི་ཚེ༔
གདོད་མའི་ཡེ་གདངས་མཆོག་དེ་ཚད་ཕེབས་ནས༔
དོན་གཉིས་མཐར་ཕྱིན་སྐུ་བཞི་མངོན་འགྱུར་ཤོག༔
རང་སྣང་བདེ་བ་ཅན་གི་རྟེན་བརྟེན་པར༔ ཡིད་ལ་མངོན་བྱེད་སྨོན་པ་འདི་བརྗོད་བྱ༔
ས་མ་ཡ༔ རྒྱ་རྒྱ་རྒྱ༔ དྷ་ཐིམ༔ ཅེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་སྙན་གྲགས་ཀྱི་ངོར་ཕབས་པའོ༔
