ཐུགས་ཏིག་ཚོགས་བསྡུས།
༄༅། །ཐུགས་ཏིག་ཚོགས་བསྡུས།
ཧྲཱིཿ ཚོགས་ཁང་སྤྲུལ་པའི་ཞིང་ཁམས་ཆེ། །
ཚོགས་རྫས་ཟག་མེད་ལོངས་སྤྱོད་གཏེར། །
འདོད་ཡོན་རྒྱན་གྱི་དམ་ཚིག་འདིས། །
གནས་གསུམ་མཁའ་འགྲོ་རྒྱ་མཚོའི་ཚོགས། །
འབུམ་ཕྲག་ཌཱ་ཀིའི་ཐུགས་དམ་བསྐང་། །
གསང་གསུམ་དང་འགལ་ཉམས་ཆག་བཤགས། །
རྩ་རླུང་ཐིག་ལེའི་བར་ཆད་སོལ། །
དཔའ་བོ་མཁའ་འགྲོའི་སུན་ཁ་ཟློག །
འབར་བ་གསུམ་གྱི་ཡེ་ཤེས་སྤོར། །
འདུ་བ་གསུམ་གྱི་རྟེན་འབྲེལ་སྒྲིགས། །
ཟུང་འཇུག་བདེ་ཆེན་ཕྱག་རྒྱ་ཆེའི། །
དངོས་གྲུབ་དམ་པ་སྩལ་དུ་གསོལ། །
ཞེས་པའང་རྣལ་འབྱོར་པ་འཁྲུལ་ཞིག་རྡོ་རྗེའི་གསུང་གི་ངོར་ཛྙཱ་ནས་སོ༎ ༎
