Daily Practice of Vajraṇakhī—Tibetan

Deities › Vajraṇakhī | Practices › Sādhanas | Tibetan Mastersབདུད་འཇོམས་རིན་པོ་ཆེ།

English | བོད་ཡིག

བདུད་འཇོམས་རིན་པོ་ཆེ།

Vajraṇakhī

Further Information:
Download this text:

༄༅། །རྡོ་རྗེ་སྡེར་མོའི་རྒྱུན་ཁྱེར་བཞུགས།

 

ན་མོ། བླ་མ་མཆོག་གསུམ་ཡི་དམ་ལྷར། །

གུས་པས་སྐྱབས་མཆི་མཁའ་མཉམ་འགྲོ། །

བླ་མེད་བྱང་ཆུབ་མཆོག་ཐོབ་ཕྱིར། །

རྡོ་རྗེ་སྡེར་མོ་བསྒོམ་པར་བགྱི། །

ལན་གསུམ།

དབྱིངས་ཡེ་ཟུང་འཇུག་ཧཱུྃ་ཡིག་འབར། །

དེ་ལས་དུར་ཁྲོད་གཞལ་ཡས་སུ། །

བདག་ཉིད་ལས་ཀྱི་མཁའ་འགྲོ་མ། །

མཐིང་ནག་ཞལ་གཅིག་ཕྱག་གཉིས་པ། །

གཡས་པས་རལ་གྲི་བསམ་གཅོད་ཕྱར། །

གཡོན་པས་རྡོ་རྗེ་ཕུར་བུ་འདྲིལ། །

ཞབས་གཉིས་གར་སྟབས་དགྲ་བགེགས་བརྫིས། །

དུར་ཁྲོད་འབར་བའི་ཆས་རྣམས་རྫོགས། །

ཡེ་ཤེས་མེ་ཡི་ཀློང་ན་རོལ། །

ཐུགས་ཀར་ཉི་སྟེང་ཧཱུྃ་མཐིང་མཐར། །

སྔགས་ཀྱི་ཕྲེང་བས་བསྐོར་བ་ལས། །

འོད་ཟེར་མེ་ཡི་ཚྭ་ཚྭ་འཕྲོས། །

ནད་གདོན་སྡིག་སྒྲིབ་ཐམས་ཅད་བསྲེག །

སྐུ་ལས་སྐུ་འཕྲོས་འཇིག་རྟེན་གང་། །

གསུང་གི་དྲག་སྔགས་འབྲུག་ལྟར་སྒྲོགས། །

ཐུགས་ནི་སྒྲོལ་མཛད་ཡེ་ཤེས་འབར། །

བྱད་མ་ལྷ་དང་བཅས་པ་དང་། །

བདུད་བགེགས་དགྲ་དང་དམ་སྲིའི་ཚོགས། །

ཕུར་བུས་གདབ་ཅིང་ཐོ་བས་བརྡུང་། །

ཕྱག་རྒྱས་མནན་ཅིང་བརླག་པར་གྱུར། །

ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚན་བཛྲ་དྷ་རོ་ད་ཨ་ཛྙཱ་པ་ཡ་ཏི་སརྦ་བིགྷྣཱན་ཀཱ་ཡ་ཝ་ཀ་ཙིཏྟ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ་ཕཊ༔

ཅེས་བཟླས་མཐར།

ཧཱུྃ་ཧཱུྃ་ཧཱུྃ་གིས་བསྡུ།

ཕཊ་ཕཊ་ཕཊ་ཀྱིས་ལྡང་།

ཨོཾ་ཨཱཿཧཱུྃ་གིས་བསྲུང་།

དགེ་བ་འདི་ཡིས་མྱུར་དུ་བདག །

རྡོ་རྗེ་སྡེར་མོ་འགྲུབ་གྱུར་ནས། །

འགྲོ་བ་གཅིག་ཀྱང་མ་ལུས་པ། །

དེ་ཡིས་ས་ལ་འགོད་པར་ཤོག །

 

ཅེས་ཟབ་བདུན་རྩ་གསུམ་ཚེ་ཟབ་ཆ་ལག་ལས་ཁོལ་དུ་ཕྱུངས་པ་པོ་ཛྙཱ་ནའོ།། །།

 

Vajrayāna Buddhism places restrictions on the reading and practice of certain texts, which are intended only for those who have received the requisite empowerments, transmissions and instructions.

If you are unsure as to whether you are entitled to read or practice a particular text please consult a qualified lineage-holder.

OK