རྡོར་སེམས་རྒྱུན་ཁྱེར།
༄༅། །རྡོར་སེམས་རྒྱུན་ཁྱེར་ནི།
སྐད་ཅིག་སྟོང་གསལ་ངང་ཉིད་ལས། །
སེང་ཁྲི་པདྨ་ཉི་ཟླའི་སྟེང་། །
རང་ཉིད་རྡོར་སེམས་ཟླ་བའི་མདོག །
ཞི་འཛུམ་མཚན་དཔེའི་ལང་ཚོ་འབར། །
རྡོ་དྲིལ་འཛིན་པས་ཡབ་ལ་འཁྱུད། །
ལོངས་སྤྱོད་རྒྱན་རྫོགས་སྐྱིལ་ཀྲུང་གིས། །
སྣང་སྟོང་འཇའ་འོད་ཀློང་དུ་རོལ། །
ཐུགས་དབུས་ཟླ་སྟེང་རྡོ་རྗེའི་ལྟེར། །
ཧཱུྃ་མཐར་ཡིག་བརྒྱས་བསྐོར་བ་ལས། །
འོད་ཟེར་སྤྲོ་བསྡུས་དོན་གཉིས་བྱས། །
སྣང་གྲགས་རིག་པ་མ་བཅོས་པ། །
ཡེ་ཤེས་ཆེན་པོའི་རོལ་པར་སད། །
ཅེས་ཡིག་བརྒྱ་བཟླས་མཐར་མི་དམིགས་པའི་ངང་ལ་མཉམ་པར་བཞག་གོ། །
ཛྙཱ་ནས་སོ།། །།
