Prayer—Tibetan
Practices › Prayers | བོད་ཀྱི་བླ་མ། › ཀརྨ་པ་མཁའ་ཁྱབ་རྡོ་རྗེ།
Fifteenth Karmapa, Khakhyab Dorje
Courtesy of Himalayan Art Resources
༄༅། །གསོལ་འདེབས།
སྐྱབས་གནས་རྒྱ་མཚོའི་འདུས་ཞལ་གུ་རུ་རྗེ། །
རིག་འཛིན་མཁའ་འགྲོ་དམ་ཅན་ཚོགས་བཅས་ལ། །
གདུང་ཤུགས་དྲག་པོས་རྩེ་གཅིག་གསོལ་འདེབས་ན། །
ཕྱི་ནང་གསང་བའི་བར་ཆད་དབྱིངས་སུ་སོལ། །
འཇིགས་བརྒྱད་དུས་མིན་འཆི་དང་དགྲ་ལས་རྒྱལ། །
བསམ་དོན་ཡིད་བཞིན་འགྲུབ་པར་མཛད་དུ་གསོལ། །
ཞེས་པའང་རས་ཆུང་བཀྲ་དགའི་ངོར། །ཀརྨ་པ་མཁའ་ཁྱབ་རྡོ་རྗེས་སྤེལ་བ་སིདྡྷི་རསྟུ།།
