Advice for a Sincere Disciple—Tibetan

Literary Genres › Advice | བོད་ཀྱི་བླ་མ།འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | Español | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

༄༅། །དོན་ལྡན་སློབ་བུར་གདམས་པ།

རྗེ་བླ་མ་རྣམས་ལ་ཕྱག་འཚལ་ལོ། །

རྟེན་དལ་དང་འབྱོར་པའི་ལུས་འདི་ཉིད། །
ནམ་མི་རྟག་འཆི་བ་དྲན་པ་དང་། །
འཁོར་བ་ཡི་ཉེས་དམིགས་ལ་བསམ་ནས། །
ལས་རྒྱུ་འབྲས་སྤང་བླང་དྲན་པར་མཛོད། །
སྐྱབས་བླ་མ་དཀོན་མཆོག་གཙུག་ཏུ་བསྒོམ། །
ཡིད་ཆེས་ཀྱི་དད་པས་སྐྱབས་སུ་འགྲོ། །
ཁམས་གསུམ་གྱི་སེམས་ཅན་ཕ་མར་ཤེས། །
བྱམས་སྙིང་རྗེ་བྱང་སེམས་བསྒོམ་པ་གཅེས། །
བསགས་སྦྱོང་ལ་ནན་ཏན་འབད་པ་དང་། །
དྲིན་ལྡན་གྱི་བླ་མར་གསོལ་བ་ཐོབ། །
བསྐྱེད་རིམ་གྱིས་ཐ་མལ་སྣང་ཞེན་སྦྱངས། །
རྫོགས་རིམ་གྱིས་གྱ་ནོམ་ལྷར་ཞེན་སྦྱངས། །
དེ་གཉིས་ཀྱི་གནད་འགག་ཟབ་མོ་ནི། །
སེམས་མ་བཅོས་གསལ་སྟོང་ཟུང་འཇུག་ངང་། །
ཡེངས་མེད་ཀྱི་འཛིན་བྲལ་འཇོག་པ་གནད། །
དུས་ཀུན་ཏུ་བཟང་སྤྱོད་སྨོན་ལམ་འདོན། །
དགེ་རྩ་རྣམས་བསྔོ་བས་རྒྱས་འདེབས་ཞུ། །
ཚུལ་དེ་སྐད་ཆོས་ཀྱི་བློ་གྲོས་པས། །
དོན་ལྡན་གྱི་སློབ་བུར་སྤྲིང་བ་དགེ། །།

This website uses cookies to collect anonymous usage statistics and enhance the user experience.
Decline
Accept