Calling the Guru from Afar—Tibetan

༄༅། །བླ་མ་རྒྱང་འབོད་བཞུགས་སོ།  །

དུས་གསུམ་སངས་རྒྱས་ཐམས་ཅད་འདུས་པའི་ངོ་བོ།  །

གུ་རུ་པདྨ་འབྱུང་གནས་དང་དབྱེར་མེད།  །

ཁྲི་སྲོང་ལྡེའུ་བཙན་བསམ་བཞིན་དུ་བྱོན་པ།  །

ཀུན་མཁྱེན་རིག་འཛིན་ཆོས་ཀྱི་རྒྱལ་པོ།  །

རང་བྱུང་རྡོ་རྗེ་འཇིགས་མེད་གླིང་པ་ཁྱེད་མཁྱེན་ནོ།  །

བཀའ་གཏེར་མན་ངག་གི་གཏེར་མཛོད།  །

སྔ་འགྱུར་རིག་འཛིན་གྱི་གཙུག་རྒྱན།  །

མཁའ་འགྲོ་འབུམ་ཕྲག་གི་མིང་པོ།  །

མཁྱེན་བརྩེའི་འོད་ཟེར་ཁྱེད་མཁྱེན་ནོ།  །

ཐེག་མཆོག་རྡོ་རྗེ་རྩེ་མོ་ཡི་ཤིང་རྟ།  །

གསང་བདག་དཔའ་བོའི་ཐུགས་སྲས་ཀྱི་རྒྱལ་པོ།  །

འཇམ་དཔལ་ཆོས་ཀྱི་བཤེས་གཉེན་ཁྱེད་མཁྱེན་ནོ།  །

གཏེར་སྟོན་གྲུབ་ཐོབ་ཐམས་ཅད་ཀྱི་རྒྱལ་པོ།  །

སྙིགས་དུས་བསྟན་འགྲོ་མཐའ་དག་གི་སྐྱབས་གཅིག  །

གསང་བ་སྙིང་ཐིག་ཟབ་མོ་ཡི་མཛོད་འཛིན།  །

པདྨ་དབང་ཆེན་རོལ་པ་རྩལ་མཁྱེན་ནོ།  །

མཁས་གྲུབ་ཀློང་ཆེན་རབ་འབྱམས་ཀྱིས་རྗེས་བཟུང་།  །

ཐུགས་རྒྱུད་བྱང་ཆུབ་སེམས་གཉིས་ཀྱི་རྩལ་འབྱོངས།  །

སྣང་སྲིད་འོད་གསལ་ཆོས་སྐུ་རུ་རྟོགས་པ།  །

རྒྱལ་བའི་མྱུ་གུ་མཁྱེན་བརྩེའི་ལྷ་མཁྱེན་ནོ།  །

ཁྱེད་ཀྱི་ཐུགས་རྗེ་ཡིས་བདག་ལ།  །

ཉིན་མཚན་དུས་དྲུག་ཏུ་གཟིགས་ཤིག །

ཕྱི་ནང་གསང་བ་ཡི་བར་ཆད།  །

རང་ཞི་རང་གྲོལ་དུ་གྱུར་ནས།  །

ཚེ་ལྷག་ཇི་གནས་ཀྱི་བར་དུ།  །

རིས་མེད་རྒྱལ་བསྟན་ནི་སྤེལ་བའི།  །

ལྷག་བསམ་གོང་འཕེལ་དུ་ཤོག་ཅིག།

བཀའ་གཏེར་སྨིན་གྲོལ་གྱི་གདམས་པ།  །

བྱེ་བྲག་སྙིང་ཐིག་གི་བསྟན་པ།  །

རི་མོའི་མར་མེ་ལྟར་གྱུར་པ།  །

ཆེས་ཆེར་གསལ་བ་རུ་བྱེད་པའི།  །

མཐུ་དང་དངོས་གྲུབ་དེ་སྩོལ་ཅིག།

འཁོར་བ་དོང་ནས་སྤྲུགས་ནུས་བྱིན་གྱིས་རང་རློབས་ཤིག །

ཅེས་པའང་སྣྲོན་ཟླའི་ཚེས་ལྔ་ལ་རྡོ་རྗེ་གླིང་དུ་གང་ཤར་བྲིས་པ་དགེའོ།།   །།