Daily Guru Drakpo—Tibetan

Guru Drakpo | Sādhanas | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Guru Drakpo

Further Information:
Download this text:

༄༅། །གུར་དྲག་རྒྱུན་ཁྱེར་བཞུགས་སོ། །

སྐྱབས་སེམས།

ན་མོ། བླ་མ་མཆོག་གསུམ་ཡི་དམ་ལྷར། །

གུས་པས་སྐྱབ་མཆི་མཁའ་མཉམ་འགྲོ །

བླ་མེད་བྱང་ཆུབ་མཆོག་ཐོབ་ཕྱིར། །

པདྨ་དྲག་པོ་བསྒོམ་པར་བགྱི། །

ཨོཾ་སྭ་བྷཱ་ཝས་སྟོང་པར་སྦྱངས།

ཨོཾ་སྭ་བྷཱ་ཝ་ཤུ་དྡྷཱཿསརྦ་དྷརྨ་སྭ་བྷཱ་ཝ་ཤུདྡྷོ་ཧཾ།

སྟོང་པའི་ངང་ལས་སྐད་ཅིག་གི །

པདྨ་ཉི་མ་རྒྱལ་བསེན་སྟེང་། །

ཧཱུྃ་ལས་གུ་རུ་དྲག་པོ་ནི། །

དམར་ནག་ཞལ་གཅིག་ཕྱག་གཉིས་པ། །

ཞལ་གདངས་མཆེ་གཙིགས་སྤྱན་གསུམ་པ། །

ཟུར་ཞལ་གཡོན་གཟིགས་གར་དགུའི་ཉམས། །

གཡས་པས་རྡོ་རྗེ་རྩེ་དགུ་འཕྱར། །

གཡོན་པས་སྡིག་པ་མགོ་དགུ་འཛིན། །

དུར་ཁྲོད་རོལ་པའི་ཆས་ཀྱིས་བརྒྱན། །

ཡེ་ཤེས་མེ་དཔུང་ཀློང་ན་འགྱིང་། །

སྤྱི་བོར་གཤིན་རྗེ་མགྲིན་དབང་ཆེན། །

ཐུགས་ཀར་ཕྱག་རྡོར་ལྟེ་བ་རུ། །

མཁའ་འགྲོ་སྡེ་ལྔ་གསང་གནས་སུ། །

ཡཀྴ་མེ་དབལ་སྤྱི་བོར་ཁྱུང་། །

གོ་ཆའི་ལྷ་རྣམས་གསལ་བར་གྱུར། །

ཐུགས་ཀར་ཉི་སྟེང་ཧཱུྃ་དམར་གསལ། །

སྔགས་ཀྱི་ཕྲེང་བས་བསྐོར་བ་ལ། །

མེ་ཡི་འོད་ཟེར་འཕྲོས་པ་ལས། །

སྐུ་དང་སྔགས་ཕྲེང་ཕྱག་མཚན་ཚོགས། །

འཕྲོས་པས་ནད་དོན་འབྱུང་པོ་ཀུན། །

རྩ་སྦུར་མེ་ཡིས་བསྲེགས་པ་བཞིན། །

དམིགས་མེད་ཀ་དག་དབྱིངས་སུ་སྦྱངས། །

ཨོཾ་ཨཱཿ་ཧཱུྃ་ཨ་རྩིག་ནི་རྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ༔ ཨ་ཧཱུྃ་ཧཱུྃ་ཕཊ༔

ཅེས་བཟླ།

ཨ་ཡ་མ་དུ་རུ་ཙ་ཤ་ན་ཧཱུྃ་ཕཊ༔

ཅེས་པའང་ཅུང་ཟད་བཟླ།

ལྷར་སྣང་འོད་གསལ་དབྱིངས་སུ་ཐིམ། །

སླར་ཡང་གཉུག་མའི་སྐུ་རུ་ལྡང་། །

ཨོཾ་ཨཱཿཧཱུྃ༔

དགེ་བ་འདི་ཡིས་མྱུར་དུ་བདག །

པདྨ་དྲག་པོ་འགྲུབ་གྱུར་ནས། །

འགྲོ་བ་གཅིག་ཀྱང་མ་ལུས་པ། །

དེ་ཡི་ས་ལ་འགོད་པར་ཤོག །

ཅེས་བསྔོ་སྨོན་བྱའོ། །

ཅེས་པའང་སྤྲུལ་སྐུ་བསོད་རྒྱལ་ངོར་ཆོས་ཀྱི་བློ་གྲུས་པས་སོ།། །།

 

Vajrayāna Buddhism places restrictions on the reading and practice of certain texts, which are intended only for those who have received the requisite empowerments, transmissions and instructions.

If you are unsure as to whether you are entitled to read or practice a particular text please consult a qualified lineage-holder.

OK