Swift Rebirth of Jamyang Khyenrab Tayé—Tibetan

༄༅། །འཇམ་དབྱངས་མཁྱེན་རབ་མཐའ་ཡས་མྱུར་བྱོན་གསོལ་འདེབས།

འཇམ་དབྱངས་བླ་མ་དགྱེས་པའི་གཟི་འོད་ལས།    །

མཁྱེན་རབ་འོད་སྣང་མཐའ་ཡས་ས་གསུམ་བརྡལ།    །

གཞན་ཕན་བྱམས་དང་བརྩེ་བའི་རང་གཟུགས་མཆོག  །

བཤེས་གཉེན་སྨྲ་བའི་དབང་པོ་གསོལ་བ་འདེབས།    །

ཕན་བདེའི་འབྱུང་གནས་རྒྱལ་བའི་བསྟན།    །

དེར་འཛིན་བྱེད་པར་ཟླ་མེད་པའི།    །

ངེས་པ་དོན་གྱི་མཁས་པ་ཆེ།    །

མཁྱེན༷་རབ༷་མཐའ༷་ཡས༷་གསོལ་བ་འདེབས།    །

ཀྱེ་མ་མགོན་པོ་མཁྱེན་རབ་ཉི་མ་དེ།    །

དབྱིངས་སུ་མནལ་བས་མུན་པ་ལྟར་གྱུར་ཅིང་།    །

མི་ཤེས་བླུན་པོའི་མུན་ཆེན་འཁྲིགས་པ་ལ།    །

མགོན་པོའི་ཡེ་ཤེས་སྣང་བ་རྒྱས་པར་མཛོད།    །

གང་དུ་གཤེགས་ཀྱང་བདེ་མཆོག་བདེ་བ་ཆེའི།    །

རང་དོན་ཞི་བའི་ཕ་མཐར་མི་གཞོལ་པ།    །

ཕྱོགས་བཅུ་རྣམས་སུ་སྤྲུལ་པ་མཐའ་ཡས་པས།    །

བསྟན་འགྲོའི་དོན་ཆེན་མཐའ་ཡས་བསྒྲུབ་ཏུ་གསོལ།    །

བདག་ཀྱང་དེང་ནས་ཚེ་རབས་ཐམས་ཅད་དུ།    །

མགོན་པོ་མཆོག་གི་ཐུགས་རྗེས་མི་གཏོང་ཞིང་།    །

ངེས་འབྱུང་ཚུལ་ཁྲིམས་བྱང་ཆུབ་སེམས་མཆོག་དང་།    །

ཡང་དག་ལྟ་བ་རྟོགས་པར་བྱིན་གྱིས་རློབས།    །

ཅེས་པ་འདིའང་འཇམ་དབྱངས་ཆོས་ཀྱི་བློ་གྲོས་པས་བྲིས་པ་དགེའོ།  མངྒ་ལཾ་ཤུ་བྷཾ།།    །།