Prayer for the Flourishing of the Katok Tradition—Tibetan

Aspiration Prayers | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Katok Dampa Deshek

Further Information:
Download this text:

༄༅། །བསྟན་རྒྱས་སྨོན་ལམ་བཀྲ་ཤིས་དཔལ་འབར་ཞེས་བྱ་བ་བཞུགས་སོ།  །

 

ཨོཾ་སྭསྟི།

ཕྱོགས་དུས་རྩ་གསུམ་རྒྱལ་བ་སྲས་བཅས་དང་།  །

སྔ་འགྱུར་ཆོས་སྐྱོང་སྲུང་མའི་བདེན་སྟོབས་ཀྱིས།  །

ཐུབ་བསྟན་སྤྱི་དང་ཁྱད་པར་ཨོ་རྒྱན་རྗེའི།  །

བསྟན་པའི་སྲོག་ཤིང་བཀའ་གཏེར་འབྱུང་ཁུངས་ཆེ།  །

བདེ་གཤེགས་སྤོབས་པ་མཐའ་ཡས་རིང་ལུགས་མཆོག  །

སྲིད་མཐའི་བར་དུ་མི་ཉམས་དར་ཞིང་རྒྱས།  །

ཁྲིམས་ལྡན་འདུས་པའི་ཆུ་གཏེར་འཕེལ་བ་དང་།  །

བསླབ་གསུམ་དྲི་མ་མེད་པས་ཐུགས་རྒྱུད་ཕྱུག  །

བཤད་དང་སྒྲུབ་པའི་བྱ་བས་དུས་འདའ་ཞིང་།  །

ཡང་དག་ལྟ་བ་སྒོམ་དང་སྤྱོད་པ་ཡིས།  །

ཤཱཀྱའི་བསྟན་པའི་རྒྱལ་མཚན་འཛིན་པ་དང་།  །

ངེས་གསང་སྙིང་པོ་ཕྱོགས་བརྒྱར་ཁྱབ་གྱུར་ཅིག  །

 

ཅེས་པའང་ཤིང་ཁྱི་སྣྲོན་ཟླའི་ཚེས་བརྒྱད་ལ་འོག་མིན་གཉིས་པ་ཀཿཐོག་གི་གཙུག་ལག་ཁང་ཆེན་པོར་འཇམ་དབྱངས་བློ་གྲོས་རྒྱ་མཚོས་གསོལ་བ་བཏབ་པ་བཞིན་འགྲུབ་པར་གྱུར་ཅིག  །མངྒ་ལཾ།།   །།