Khyenrab Chökyi Özer Long-Life Prayer—Tibetan

༄༅། །ལུང་རིགས་སྨྲ་བའི་དབང་པོ་མཁན་མཁྱེན་རབ་ཆོས་ཀྱི་འོད་ཟེར་ལ་ཞབས་བརྟན་བཀྲ་ཤིས་མེ་ཏོག་ཅེས་བྱ་བ་བཞུགས།

ན་མོ་མཉྫུ་ཤྲཱི་ཡེ།

མཁའ་ཁྱབ་རྒྱལ་བ་ཀུན་གྱི་ཡེ་ཤེས་སྐུ།    །

བླ་མ་མཁྱེན་གཏེར་འཇམ་དཔལ་རྡོ་རྗེ་ཡི།    །

ཕྱོགས་དུས་འགྲོ་བའི་མུན་པ་ཀུན་བསལ་ནས།    །

བློ་མཆོག་སྤོབས་པའི་གཏེར་ཆེན་རྒྱས་པར་མཛོད།    །

ལུང་རྟོགས་བཤད་སྒྲུབ་ཆོས་ཀྱི་དགའ་ཚལ་དུ།    །

བློ༷་གྲོས༷་པདྨོ་རྒྱས་པའི་གཉེན་གཅིག་པུ།    །

ལེག༷ས་བཤ༷ད་གསུང་རབ་སྨྲ་ལ་ཟླ་བྲལ་བ།    །

མཁས་དབང་ཉིན་བྱེད་དབང་པོར་ཞབས་བརྟན་གསོལ།    །

ཀུན་དགའི་རིང་ལུགས་རྒྱ༷་མཚོའི༷་མཐར་ཁྱབ་ཅིང་།    །

བསྟན་པའི་རྒྱལ་མཚན་སྲིད་པའི་རྩེ་མོར་བསྒྲེངས།    །

ཕྱོགས་ལས་རྣམ་རྒྱལ་བཟང་པོའི་མཛད་པ་ཡི།    །

འཇམ་མགོན་བླ་མའི་བསྟན་པ་རྒྱས་མཛད་གསོལ།    །

དེ་ལྟར་གསོལ་བ་བཏབ་པའི་བྱིན་བརླབས་ཀྱིས།    །

བླ་མའི་སྐུ་ཚེ་ཡུན་དུ་བརྟན་པ་དང་།    །

ཆོས་ཀྱི་ཕྲིན་ལས་ས་གསུམ་ཀུན་ཏུ་ཁྱབ།    །

ཕན་བདེའི་དགའ་སྟོན་མི་ནུབ་དར་རྒྱས་ཤོག  །

ཅེས་པའང་གང་གི་ཞལ་སློབ་རྣམས་ཀྱིས་བསྐུལ་ངོར་འཇམ་དབྱངས་ཆོས་ཀྱི་བློ་གྲོས་པས་སྨོན་ཚིག་ཏུ་བྲིས་པ་དགེ།    །།