Recognizing the Nature of Mind—Tibetan

Advice | Dzogchen | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Further Information:

༄༅། །རང་སེམས་རང་ངོ་འཕྲོད་པའི་ཞལ་གདམས།

སེམས་ཞེས་བྱ་བ་མི་དྲན་དགུ་དྲན་བྱེད་མཁན་འདི་ཡིན། འདིའི་རང་བཞིན་ནམ་ངོ་བོ་ལ་བརྟགས་པས་བྱུང་གནས་འགྲོ་གསུམ་རྣམ་རྟོག་སྐད་ཅིག་མ་རེ་རེ་སྐྱེ་བ་ ག་ལ་ཡོད། དེའང་བྱུང་ས་བྱུང་ཁུངས། གནས་ས་གནས་མཁན། འགྲོ་བ་སྟེ། འགག་མཁན་འགགས་ཡུལ་རྣམས་ངོ་བོ་ཅི་འདྲ་འདུག་བལྟས་པས། དངོས་པོར་གྲུབ་པ་རྡུལ་ཙམ་མེད། མེད་ཀྱང་བཟང་ངན་ཤེས་མཁན་རིག་མཁན་ཞིག་མ་འགགས་པར་ཡོད་པ་དེ་ལ་སྔོན་བསུ་རྗེས་དཔྱོད་སོགས་རྣམ་རྟོག་གིས་བཟོ་བཅོས་མི་བྱེད་པར་རང་བབས་སུ་བཞག་པས་གསལ་རིག་སྟོང་གསུམ་དབྱེར་མི་ཕྱེད་པའི་གནས་ལུགས་བརྗོད་པ་ཐམས་ཅད་དང་བྲལ་བ་ཞིག་རང་མྱོང་གིས་ཤེས་ན་དེ་གའི་རྒྱུན་བསྐྱང་བ་ལ་སེམས་ངོ་བལྟ་ཟེར་བ་ཡིན་ཀྱང་། སྔོན་འགྲོ་སྒྲིབ་སྦྱོང་དང་། བླ་མ་ལ་མོས་གུས་གཏིང་ཚུགས་པས་གསོལ་འདེབས། དབང་བླང་ལ་བརྩོན་པ་གལ་ཆེ་བ་ཡིན། སེམས་ངོ་འདི་ལེགས་པར་ཤེས་ན་དགྲ་གཉེན་ཆགས་སྡང་ཚོར་བ་བདེ་སྡུག་སོགས་ལ་རེ་དོགས་ཆེར་མེད་པ་ཞིག་འབྱུང་རྒྱུ་ཡིན་འདུག དེ་འདྲ་རང་གཞན་སུས་ཀྱང་རྟོགས་དཀའ་མོ་རེད། སྐུ་ངོ་མ་ལྡོག་ཙམ་དུ་ཆོས་ཀྱི་བློ་གྲོས་པས་ཕུལ།། །།

• Download this text: EPUB MOBI PDF