Song Recalling the Guru’s Kindness—Tibetan

Literary Genres › Songs and Poems | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས། | Tibetan MastersKatok Situ Chökyi Gyatso

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Katok Situ Orgyen Chökyi Gyatso

Further Information:
Download this text:

༄༅། །རྗེ་བླ་མའི་བཀའ་དྲིན་དྲན་པའི་མགུར་གླུ།

རྗེ་སངས་རྒྱས་ཀུན་འདུས་རྡོ་རྗེ་འཆང་། །
དཔལ་ཨོ་རྒྱན་ཆོས་ཀྱི་རྒྱ་མཚོ་ནི། །
སྤྲང་བདག་གི་སྤྱི་བོའི་རྒྱན་དུ་བཞུགས། །

རྐྱེན་ཅི་བྱུང་བླ་མ་ཁྱེད་རང་ལ། །
བུས་རྟག་ཏུ་གསོལ་བ་འདེབས་པ་ལགས། །

རྟེན་དལ་འབྱོར་མི་ལུས་ཐོབ་པ་འདི། །
རྗེ་ཐུབ་པའི་བསྟན་ལ་ཞུགས་པ་ཡང་། །
ཕ་རྗེ་བཙུན་བླ་མ་ཁྱོད་ཀྱི་དྲིན། །

དཔེ་ཀ་ཁ་སྦྱངས་པ་ཡན་ཆོད་ནས། །
རྒྱུད་གསང་བ་སྙིང་པོ་ཐུག་གི་བར། །
བསོད་རྣ་བའི་དཔྱིད་དུ་ཐོས་པའང་། །
སྐྱབས་ཕ་གཅིག་བླ་མ་ཁྱེད་ཀྱི་དྲིན། །

གཞི་ངེས་འབྱུང་སོ་ཐར་གྱི་ས་གཞི་ལ། །
སྨན་བུ་མོས་འདམས་གྱིས་མ་གོས་ཤིང་། །
བུ་ད་ལྟ་བྱི་ཕྲུག་གི་མ་བསྐོར་བ། །
མགོན་བླ་མ་ཐུབ་དབང་ཁྱེད་ཀྱིས་དྲིན། །

ཆོས་སྙིང་པོ་བྱང་ཆུབ་སེམས་བསྐྱེད་ལ། །
སེམས་ཅན་བློས་བཏང་གི་དགྲ་སྟྭས་མ་རྨས་པ། །
གཞན་ཕན་གྱི་བསམ་པ་བག་ཙམ་འདི། །
རྗེ་འགྲོ་བའི་མགོན་པོ་ཁྱེད་ཀྱི་དྲིན། །

ཆོས་བཀའ་གཏེར་གྱི་གདམས་ཟབ་རྒྱ་མཚོ་ལ། །
རང་ཅི་འདོད་སྤྱོད་དུ་ཡོད་པ་དང་། །
སྒྲུབ་ནུས་ན་ཚེ་འདིར་གྲོལ་བར་ནུས། །
འདི་ཀུན་ཡང་རྡོ་རྗེ་འཆང་ཁྱེད་དྲིན། །

ལས་བཟང་པོ་རྟེན་བཞེངས་མཆོད་པ་སོགས། །
རྣམ་དཀར་གྱི་ལས་ལ་དཀར་བ་དང་། །
རིས་མེད་ལ་དད་པ་དག་སྣང་ནི། །
ཕྱོགས་འདུ་མེད་རྒྱས་པ་ཁྱེད་ཀྱི་དྲིན། །

མདོར་བསྡུ་ན་ད་སྔ་ཡན་ཆོད་ལ། །
ཡོན་ཏན་གྱི་རྣམ་པ་ཅི་མཆིས་པ། །
ཕ་ནོར་བུ་ཁྱེད་ཀྱི་དྲིན་ལས་རྙེད། །
བུས་བྱང་ཆུབ་བར་དུ་ཁྱེད་ཀྱི་དྲིན། །
སྒོ་གསུམ་གྱི་མཆོད་པས་མཉེས་བྱེད་ན། །
རྗེ་དྲིན་ཆོག་རྒྱལ་པོས་བྱིན་གྱིས་རློབས། །

ཤིང་ཁྱི་ཟླ་ ༨ ཚེས་ ༢༣ ལའོ།། །།