Three Masters Swift Rebirth Prayer—Tibetan

༄༅། །འཇིག་རྟེན་གྱི་མགོན་པོ་འདྲེན་མཆོག་དམ་པ་གསུམ་གྱི་མཆོག་སྤྲུལ་མྱུར་འབྱོན་ཡིད་བཞིན་རེ་མོས་ཞེས་བྱ་བ་བཞུགས་སོ། །

ཨོཾ་སྭསྟི།

མཁའ་ཁྱབ་ཆོས་སྐུའི་ཞིང་ན་རྟག་བཞུགས་ཀྱང་། །

ཡེ་ཤེས་ལྔ་ལྡན་སྒྱུ་མའི་རང་གཟུགས་མཆོག །

དཔལ་ལྡན་བླ་མ་རྡོ་རྗེ་སེམས་དཔའ་རྣམས། །

བདག་སོགས་འགྲོ་ལ་བརྩེ་བས་རྗེས་དགོངས་ནས། །

ཨོ༵་རྒྱན༵་མཁན་པོའི་རིང་ལུགས་སྔ་འགྱུར་གྱི། །

བཀའ་གཏེར་ཆོས༵་ཀྱི༵་རྒྱ༵་མཚོ༵་རབ་འབྱམས་རྣམས། །

འཇིག༵ས་མེད༵་བཤད་སྒྲུབ་བསྟ༵ན་པའི༵་ཉི༵་མ༵་དང་། །

ལྷན་དུ་འགྲོགས་པའི་རྫོགས་ལྡན་སྣང་བ་འཆར། །

འགྱུར༵་མེད༵་བདེན་དོན་མངོན་མཛད་རྡོ་རྗེའི་སྐུ། །

པདྨ༵་རྒྱས་པ་ལྟ་བུ་ཆགས་ཐོག་བྲལ། །

མི་བརྗེད་གཟུངས་ཐོབ་བསྟན་པའི་འཁོར་ལོའི་ཚུལ། །

ཕྱོགས་ལས་རྣམ༵་རྒྱལ༵་ཆེན་པོར་བཞུགས་སུ་གསོལ། །

དེ་ལྟར་གསོལ་བཏབ་ཐུགས་རྗེའི་བདེན་སྟོབས་ཀྱིས། །

སྤྲུལ་པའི་རྣམ་རོལ་མྱུར་དུ་འབྱོན་པ་དང་། །

བསྟན་འགྲོའི་ལེགས་བྱས་དབྱར་གྱི་དུས་བཞིན་འཕེལ། །

དོན་གཉིས་འབད་མེད་འགྲུབ་པའི་བཀྲ་ཤིས་ཤོག །

ཅེས་པའང་འཇམ་དབྱངས་བློ་གྲོས་རྒྱ་མཚོའི་སྙིང་ནས་གུས་པས་སྨོན་ཚིག་ཏུ་ཆོ་འཕྲུལ་ཟླ་བའི་དམར་ཕྱོགས་ཀྱི་བཟང་པོ་གསུམ་པའི་ཚེས་ལ་བྲིས་པ་རེ་བའི་འབྲས་བུ་ཡིད་བཞིན་དུ་སྩོལ་བའི་རྒྱུར་གྱུར་ཅིག །མངྒ་ལཾ། ཤུ་བྷཾ།། །།