དཀོན་མཆོག་རྩ་གསུམ་སོགས་ཀྱི་ལམ་བསང་།
༄༅། །དཀོན་མཆོག་རྩ་གསུམ་སོགས་ཀྱི་ལམ་བསང་།
ཨོཾ་ཨཱཿཧཱུྃཿ
དཀོན་མཆོག་རྩ་གསུམ་ཆོས་སྐྱོང་ནོར་ལྷ་དང་། །
གནས་གཏེར་བདག་པོ་གཞི་བདག་ཚོགས་རྣམས་དང་། །
ཁྱད་པར་སྒྲོལ་མ་པད་འབྱུང་འོད་ཟེར་ཅན། །
མ་གཅིག་དཔལ་ལྷ་ཞིང་སྐྱོང་དུར་ཁྲོད་བདག །
གཡུ་སྒྲོན་ཚེ་རིང་མ་དང་ཐང་ལྷ་དང་། །
གེ་སར་རྡོར་ལེགས་ལ་སོགས་ལམ་སྲུང་རྣམས། །
འདོད་ཡོན་བདུད་རྩིའི་སྐྱེམས་ཕུད་འདི་བཞེས་ལ། །
རྣལ་འབྱོར་བདག་ཅག་སྲུངས་ཤིང་སྐྱོབས་པ་དང་། །
ཁ་འཛིན་རྒྱབ་བརྟེན་སྡོང་གྲོགས་མཛད་དུ་གསོལ། །
དགྲ་ཇག་ཆོམ་རྐུན་གནོད་པ་ཐམས་ཅད་བཟློག །
བདག་ཅག་གར་འགྲོ་གར་གནས་བཀྲ་ཤིས་ཤོག །
ཅེས་པའང་ཤིང་ལུག་ཟླ་༦ཚེས་ལ་སོག་གི་གད་དམར་ཡར་རྒྱབ་རྟ་རྒྱུགས་ཐང་དུ་བྲིས་པའོ།། །།
