Khandro Yangtik Extract—Tibetan

༄༅། །སྔོན་འགྲོ་ཚོགས་གཉིས་རབ་རྫོགས།

དེ་ཡང་སྔོན་འགྲོ་བྱང་ཆུབ་སེམས་བསྐྱེད་ནས། །
སྙིང་དབུས་འོད་གསལ་འོད་ཟེར་རབ་འཕྲོས་པས། །
ཕྱོགས་བཅུའི་རྒྱལ་བ་རིག་འཇིན་མཁའ་འགྲོ་བཅས། །
སྣང་སྲིད་ལྷ་འདྲེ་གནོད་བྱེད་སྤྱན་དྲངས་ལ། །

དབུས་སུ་བླ་མ་རིག་འཇིན་མཁའ་འགྲོ་དང༌། །
གཡས་སུ་ཡི་དམ་གཡོན་དུ་ཆོས་སྐྱོང་དང༌། །
རྒྱབ་ཏུ་གནོད་བྱེད་མདུན་དུ་ལན་ཆགས་མགྲོན། །
དུས་གསུམ་ཕ་མ་རིགས་དྲུག་སེམས་ཅན་བསམ། །

ཡིད་ཀྱིས་ཕྱག་འཚལ་སྣ་ཚོགས་མཆོད་པ་དང༌། །
ཁྱད་པར་རང་གི་ཐོད་པ་ནང་ཉིད་དུ། །
ལུས་ནི་བདུད་རྩིའི་རང་བཞིན་གྱུར་པ་ལ། །
ཡཾ་ལས་རླུང་གཡོས་རཾ་ལས་མེ་འབར་བས། །
ཐོད་པའི་བདུད་རྩི་འདོད་ཡོན་ལྔར་གྱུར་ནས། །
རང་ཉིད་བྱེ་བ་ཕྲག་སྟོང་མང་སྤྲུལ་ནས། །
ནམ་མཁའི་མཐའ་ཁྱབ་མགྲོན་ལ་བདུད་རྩི་བྲིམས༌། །
དགྱེས་ཤིང་ཚིམ་པས་ཚོགས་གཉིས་རྫོགས་པར་བསམ། །

དེ་བཞིན་ཕུང་པོ་དུམ་བརྒྱ་དུམ་སྟོང་དོར། །
གནོད་བྱེད་ལན་ཆགས་གང་འདོད་སྦྱིན་པར་བཏང༌། །
རྗེས་ལ་མགྲོན་རྣམས་མི་དམིགས་པ་ཡི་ངང༌། །
སྐྱེ་མེད་བསམ་ཡུལ་འདས་པའི་དབྱིངས་ལ་བཞག །
དེ་ལྟར་མཆོད་བྱ་མཆོད་བྱེད་རང་གི་སེམས། །

སེམས་ཉིད་མ་སྐྱེས་ངོ་བོ་ངོས་བཟུང་མེད། །
ཐམས་ཅད་གཞི་རྫོགས་རང་བཞིན་ནམ་མཁའ་འདྲ། །
བསམ་རྫོགས་གདོད་མའི་ཆོས་ཉིད་ཆེན་པོར་ཤེས། །
དུས་གསུམ་འཕོ་འགྱུར་མེད་པའི་དགོངས་པར་ཕྱིན། །
གཞི་གྲོལ་ཀ་དག་ངང་དུ་ལ་བཟླའོ། །
དེ་ཀུན་འགྲོ་བ་གཉིས་མེད་ཕན་གདགས་ཕྱིར། །
རང་བཞིན་གདོད་ནས་དག་པས་བསྔོ་བ་བྱ། །

འདི་ནི་སྔོན་འགྲོ་བསོད་ནམས་ཡེ་ཤེས་ཚོགས། །
བར་ཆད་ཀུན་སེལ་དངོས་གྲུབ་རྒྱ་ཆེན་འགྲུབ། །