བི་མ་སྙིང་ཐིག་བརྒྱུད་འདེབས།
༄༅། །བི་མ་སྙིང་ཐིག་བརྒྱུད་འདེབས།
ཨོཾ་ཨཱཿཧཱུྃ།
ཀུན་ཏུ་བཟང་པོ་ལོངས་སྐུ་རྡོ་རྗེ་འཆང༌། །
རྡོ་རྗེ་སེམས་དཔའ་དགའ་རབ་རྡོ་རྗེ་དང༌། །
འཇམ་དཔལ་བཤེས་གཉེན་རིག་འཛིན་ཤྲཱི་སེང༌། །
ཛྙཱ་ན་སུ་ཏྲ་པཎ་ཆེན་བཱི་མ་ལ། །
པདྨ་ཐོད་ཕྲེང་ཆོས་རྒྱལ་ཁྲི་ལྡེའུ་བཙན། །
ཡེ་ཤེས་མཚོ་རྒྱལ་ལོ་ཆེན་བཻ་རོའི་ཞབས། །
ཏིང་འཛིན་བཟང་པོ་གནས་བརྟན་ལྡང་མ་བ། །
སེང་གེ་དབང་ཕྱུག་རྒྱལ་བ་ཞང་སྟོན་པ། །
མཁས་པ་ཉི་འབུམ་གུ་རུ་ཇོ་འབེར་དང༌། །
སེང་གེ་རྒྱབ་པ་ཟླ་བ་མུན་སེལ་དང༌། །
ཀུ་མ་རཱ་ཛ་ཀུན་མཁྱེན་ཀློང་ཆེན་པ། །
འཇིགས་མེད་གླིང་པ་རྒྱལ་བའི་མྱུ་གུ་དང༌། །
ཆོས་ཀྱི་དབང་པོ་བསྟན་པའི་ཉི་མའི་ཞབས། །
པདྨ་ལས་འབྲེལ་རྩལ་ལ་གསོལ་བ་འདེབས། །
བརྒྱུད་གསུམ་རིག་འཛིན་བླ་མའི་ཚོགས་རྣམས་ལ། །
མི་ཕྱེད་སྙིང་ནས་གསོལ་བ་འདེབས་པ་ན། །
ཐུགས་དམ་དགོངས་པ་གཡེལ་བ་མེད་པ་དང༌། །
ཐུགས་རྗེས་འཇུག་པས་རྗེས་སུ་བཟུང་ནས་སུ། །
དོན་བརྒྱུད་དགོངས་པའི་བྱིན་རླབ་སྩལ་དུ་གསོལ། །
རྨོག་སྤྲུལ་ཀུན་བཟང་རྒྱ་མཚོའི་ངོར་པདྨ་ལས་འབྲེལ་རྩལ་གྱིས་སོ།། །།
