Prayer to Khenpo Munsel—Tibetan

༄༅། །ཚེ་རབས་རྗེས་འཛིན་གྱི་གསོལ་འདེབས།

ཨེ་མ་ཧོ།

བསླབ་གསུམ་རྣམ་དག་ཚུལ་ཁྲིམས་རྒྱ་མཚོའི་དབྱིག །

མང་ཐོས་སྣང་བས་རྨོངས་པའི་མུན་པ་སེལ། །

ཀུན་མཁྱེན་ཆེན་པོའི་བྱིན་རླབས་སྙིང་ལ་ཤར། །

ཀ་ལྷུན་གོམས་པས་ཉམས་མྱོང་མཐར་སོན་པའི། །

དཔལ་ལྡན་བླ་མ་དེ་ལ་གསོལ་བ་འདེབས། །

ཚེ་རབས་ཀུན་ཏུ་རྗེས་སུ་འཛིན་པ་དང་། །

སྐལ་ལྡན་སློབ་ཚོགས་སྣང་བཞི་མཐར་ཕྱིན་ནས། །

འབྲེལ་ཚད་པདྨོ་བཀོད་པའི་ཞིང་དུ་དྲོངས། །

ཅེས་སྐལ་ལྡན་སློབ་མ་རྣམས་ཀྱིས་རིན་ཆེན་གཉིས་པ་དང་བཀྲ་ཤིས་པའི་ལྷ་རེག་བཅས་བསྐུལ་ངོ་མི་ལྡོག་ཙམ་དུ་རང་ཉིད་ཀྱིས་སྨྲས་པའོ།།