སེམས་དོན།

༄༅། །སེམས་དོན།

ན་མོ་གུ་རུ་མཉྫུ་ཤྲཱི་ཡེ།
གཉུག་མའི་ཤེས་པ་རྒྱ་ཡན་བཟོ་མེད་འདི། །
ཚིག་གིས་མི་མཚོན་སོ་སོ་རང་གིས་རིག །
བླ་མའི་བྱིན་རླབས་ཞུགས་ཚེ་འབད་མེད་རྟོགས། །
འདི་དོན་ནམ་མཐོང་མ་བཅོས་སྐྱོང་ཚུལ་ཤེས། །
རང་སེམས་སྐྱོང་ངོ་སྙམ་དུ་བསྐྱང་མི་བྱ། །
མི་སྐྱོང་སྙམ་དུའང་སེམས་པར་མི་བྱ་སྟེ། །
རང་སར་ཅོག་གེ་ཞོག་དང་ངང་གིས་གསལ། །
རང་བབ་རང་གནས་རྣལ་འབྱོར་སྒོམ་པའི་མཆོག །
དེ་ལ་གོམས་ནས་བྱར་མེད་གཉུག་མའི་ངང་། །
སྣ་ཚོགས་རྟོག་པ་ཕན་གནོད་མེད་པར་ནི། །
ནམ་མཁའི་ངང་ན་སྤྲིན་བཞིན་རྒྱུ་བའི་ཚེ། །
བག་ཡངས་བདེ་བའི་རྣལ་འབྱོར་ཨ་ལ་ལ། །
གནད་ཀྱི་མན་ངག་སྙིང་གི་བུ་ལ་གདམས། །

མེ་སྤྲེལ་ཟླ་ ༢ ཚེས་ ༡༩ ལ་སྒྲུབ་པའི་ཐུན་མཚམས་སུ་འཇམ་དཔལ་རྡོ་རྗེས་བྲིས་པ་མངྒ་ལཾ།།