Invocation of the Vidyādhara Gurus—Tibetan

Vajrakīla | Tibetan MastersOrgyen Tobgyal Rinpoche | Tibetan MastersDilgo Khyentse Rinpoche

English | བོད་ཡིག

Orgyen Tobgyal Rinpoche

Vajrakīla

Further Information:

༄༅། །བླ་མ་རིག་འཛིན་བསྐུལ་བ་བཞུགས།

 

ཧཱུྃྂ༔ རྡོ་རྗེ་ཕུར་བའི་རིག་འཛིན་རྣམས༔

སྲིད་པའི་ཕུར་བ་བདག་བསྒྲུབ་ཀྱི༔

སྔོན་གྱི་ཇི་ལྟར་རྟགས་བསྟན་བཞིན༔

ཕུར་བུ་སྒྲུབ་པའི་གྲོགས་མཛོད་ཅིག༔

 

སློབ་དཔོན་པྲ་བྷ་ཧསྟི་ཡིས༔

གསེར་གླིང་མུ་སྟེགས་བསྒྲལ་བའི་ཚེ༔

ཇི་ལྟར་རྟགས་བསྟན་སྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

སློབ་དཔོན་དྷ་ན་སཾ་སྐྲི་ཏས༔

ལྷ་ཆེན་གནས་པའི་རྟེན་རྣམས་ལ༔

ཇི་ལྟར་རྟགས་བསྟན་སྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

སློབ་དཔོན་དགའ་རབ་རྡོ་རྗེ་ཡིས༔

གནམ་ལྕགས་ཡོད་པའི་རི་རྩེ་ནས༔

ཇི་ལྟར་རྟགས་བསྟན་བསྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

སློབ་དཔོན་ཧཱུྃྂ་ཆེན་ཀཱ་ར་ཡིས༔

བསིལ་བ་ཚལ་གྱི་དུར་ཁྲོད་ནས༔

ཇི་ལྟར་རྟགས་བསྟན་བསྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

སློབ་དཔོན་པདྨ་འབྱུང་གནས་ཀྱིས༔

རྒྱ་གར་ཙནྡན་ནགས་ཁྲོད་ལ༔

ཇི་ལྟར་རྟགས་བསྟན་བསྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

སློབ་དཔོན་བི་མ་མི་ཏྲ་ཡིས༔

གངྒཱ་ལ་ཡི་ཆུ་བོ་ལ༔

ཇི་ལྟར་རྟགས་བསྟན་བསྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

བལ་འབངས་ཀ་ལ་སིདྡྷི་ཡིས༔

མནྟྲ་ལ་ཡི་མཁའ་གོང་དུ༔

ཇི་ལྟར་རྟགས་བསྟན་བསྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

མཁར་ཆེན་ཡེ་ཤེས་ཚོ་རྒྱལ་གྱིས༔

དགུང་གི་ཕོ་རོག་ནག་ཆུང་ལ༔

ཇི་ལྟར་རྟགས་བསྟན་བསྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

ཆོས་རྒྱལ་ཡབ་སྲས་རྣམ་བཞི་ཡིས༔

ཕྱི་ནང་བདུད་དགྲ་བཏུལ་བའི་ཚེ༔

ཇི་ལྟར་རྟགས་བསྟན་བསྙེལ་ལམ་ཅི༔

ཕུར་བུ་སྒྲུབ་པའི་གྲོགས་མཛོད་ཅིག༔

 

མཆིམས་སྟོན་ཤཱཀྱ་པྲ་བྷ་ཡིས། །

ཡར་ལུང་བགེགས་ཀྱི་ཕུག་ཆུང་དུ།

ཇི་ལྟར་རྟགས་བསྟན་བསྙེལ་ལམ་ཅི། །

ཕུར་བུ་སྒྲུབ་པའི་གྲོགས་མཛོད་ཅིག །

 

ཤུད་བུ་དཔལ་གྱི་སེངྒ་ཡིས། །

འོན་ཤང་མདོ་ཡི་བྲག་དམར་ལ། །

ཇི་ལྟར་རྟགས་བསྟན་བསྙེལ་ལམ་ཅི། །

ཕུར་བུ་སྒྲུབ་པའི་གྲོགས་མཛོད་ཅིག །

 

སྣ་ནམ་རྡོ་རྗེ་བདུད་འཇོམས་ཀྱིས། །

ཧས་པོ་རི་ཡི་ཡང་གོན་དུ། །

ཇི་ལྟར་རྟགས་བསྟན་བསྙེལ་ལམ་ཅི། །

ཕུར་བུ་སྒྲུབ་པའི་གྲོགས་མཛོད་ཅིག །

 

མཁར་ཆེན་དཔལ་གྱི་དབང་ཕྱུག་གིས།

རྩིབས་ཀྱི་སྤྱང་ཀི་སྔོན་པོ་ལ། །

ཇི་ལྟར་རྟགས་བསྟན་བསྙེལ་ལམ་ཅི། །

ཕུར་བུ་སྒྲུབ་པའི་གྲོགས་མཛོད་ཅིག །

 

འཁོན་སྟོན་ཀླུ་དབང་བསྲུང་བ་ཡིས། །

ལྷ་ས་ཡེར་པའི་བྲག་ཕུག་ཏུ། །

ཇི་ལྟར་རྟགས་བསྟན་བསྙེལ་ལམ་ཅི། །

ཕུར་བུ་སྒྲུབ་པའི་གྲོགས་མཛོད་ཅིག །

 

པདྨ་མདོ་སྔགས་གླིང་པ་ལ༔ །

མན་ངག་བཀའ་བབ་བརྙེས་པའི་ཚེ། །

ཇི་ལྟར་རྟགས་བསྟན་བསྙེལ་ལམ་ཅི། །

ཕུར་བུ་སྒྲུབ་པའི་གྲོགས་མཛོད་ཅིག །

 

སྔོན་གྱི་རིག་འཛིན་ཐམས་ཅད་ཀྱིས༔

ཇི་ལྟར་སྒྲུབས་བཞིན་དེང་བསྒྲུབ་ཀྱི༔

ཇི་ལྟར་རྟགས་བསྟན་བསྙེལ་ལམ་ཅི། །

ཕུར་བུ་སྒྲུབ་པའི་གྲོགས་མཛོད་ཅིག །

 

ཅེས་ཨོ་རྒྱན་སྟོབས་རྒྱལ་གྱིས་བསྒྲིགས་པའོ།།

 

• Download this text: EPUB MOBI PDF