A Concise Guru Yoga—Tibetan

Practices › Guru Yoga | བོད་ཀྱི་བླ་མ།མཆོག་གྱུར་བདེ་ཆེན་གླིང་པ།

English | 中文 | བོད་ཡིག

མཆོག་གྱུར་བདེ་ཆེན་གླིང་པ།

Guru Padmākara

Further information:
Download this text:

༄༅། །བླ་མའི་རྣལ་འབྱོར་མདོར་བསྡུས་བཞུགས།

 

སྤྱི་གཙུག་པདྨ་ཉི་ཟླའི་སྟེང་། །

གུ་རུ་པདྨ་འབྱུང་གནས་ནི། །

རྒྱལ་ཀུན་འདུས་པའི་ངོ་བོར་བསམ། །

 

དུས་གསུམ་སངས་རྒྱས་གུ་རུ་རིན་པོ་ཆེ༔

དངོས་གྲུབ་ཀུན་བདག་བདེ་བ་ཆེན་པོའི་ཞབས༔

བར་ཆད་ཀུན་སེལ་བདུད་འདུལ་དྲག་པོ་རྩལ༔

གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔

ཕྱི་ནང་གསང་བའི་བར་ཆད་ཞི་བ་དང༌༔

བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔

 

གུ་རུའི་སྐུ་ཡི་གནས་བཞི་ནས། །

འོད་འཕྲོས་བདག་གི་གནས་བཞིར་ཐིམ། །

སྒྲིབ་བཞི་དག་ནས་དབང་བཞི་ཐོབ། །

འོད་ཞུ་རང་དང་གཉིས་མེད་འདྲེས། །

བླ་མ་རང་སེམས་དབྱེར་མེད་བསྒོམ། །

 

ཞེས་དགེ་སློང་ཚེ་དབང་བདེ་ཆེན་ངོར། མཆོག་གྱུར་གླིང་པས་བྲིས།།

 

གདོད་མའི་གཤིས་དང་དབྱེར་མེད་པདྨ་འབྱུང་། །

རང་སྣང་དག་པའི་ཟངས་མདོག་དཔལ་རིའི་ཞིང་། །

སྣང་རིག་དབྱེར་མེད་མ་བཅོས་གཉུག་མའི་ངང་། །

གདོད་ནས་རྣམ་དག་ཞིང་དུ་སྐྱེ་བར་ཤོག །

 

ཅེས་རིམ་གཉིས་ཟབ་མོའི་རྣལ་འབྱོར་བླ་མ་བྱང་ཆུབ་བསྐུལ་ངོར། མཆོག་གྱུར་གླིང་པས་གང་ཤར་དོན་དམ་པར་སྦྱར་ནས་བྲིས།།

 

This website uses cookies to collect anonymous usage statistics and enhance the user experience.
Decline
Accept