Daily Lama Sangdü Practice—Tibetan

༄༅། །བླ་མ་གསང་འདུས་རྒྱུན་ཁྱེར་བཞུགས།

སྐྱབས་སེམས་སྔོན་དུ་འགྲོ་བས།

ན་མོ༔ བླ་མ་བདེ་གཤེགས་འདུས་པའི་སྐུ༔

དཀོན་མཆོག་གསུམ་གྱི་རང་བཞིན་ལ༔

བདག་དང་འགྲོ་དྲུག་སེམས་ཅན་རྣམས༔

བྱང་ཆུབ་བར་དུ་སྐྱབས་སུ་མཆི༔

སེམས་བསྐྱེད་འགྲོ་བ་ཀུན་དོན་དུ༔

བླ་མ་སངས་རྒྱས་བསྒྲུབས་ནས་ནི༔

གང་ལ་གང་འདུལ་ཕྲིན་ལས་ཀྱིས༔

འགྲོ་བ་བསྒྲལ་བར་དམ་བཅའ་འོ༔

སྟོང་གསལ་ངང་ལས་སྐད་ཅིག་དྲན་རྫོགས་སུ། །

གནས་ཡུལ་བདེ་ཆེན་འབར་བའི་ཕོ་བྲང་དབུས། །

རང་ཉིད་རྟ་མཆོག་ཡབ་ཡུམ་སྐུར་གསལ་བའི། །

སྤྱི་བོར་བླ་མ་ཐོད་ཕྲེང་རྩལ་ཡབ་ཡུམ། །

རང་རྩལ་སྐུ་ལྔ་མཚན་བརྒྱད་སྤྲིན་ཕུང་འཕྲོ། །

ཕྱོགས་བཞིར་རིགས་བཞིའི་དཔའ་བོ་ཡབ་ཡུམ་དང༌། །

ཕྱི་རོལ་མཁའ་འགྲོ་ཆོས་སྐྱོང་སྤྲིན་ཕུང་འཁྲིགས། །

གདོད་ནས་དམ་ཡེ་དབྱེར་མེད་ངོ་བོར་གསལ། །

བསྙེན་དུས་བླ་མ་སྤྱི་བོར་བསྒོམ། །

གསོལ་འདེབས་ཚུལ་དུ་ཛབ་འདི་བཟླ། །

ཨོཾ་ཨཱཿཧཱུྂ་བཛྲ་གུ་རུ་པདྨ་སིདྡྷི་ཧཱུྂ།

སྒྲུབ་དུས་བླ་མ་སྙིང་གར་བསྒོམ། །

མཆོད་བསྟོད་ཚུལ་དུ་ཛབ་འདི་བཟླ། །

ཨོཾ་ཨཱཿཧཱུྂ་བཛྲ་གུརུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྂ།

ལས་སྦྱོར་བླ་མ་རང་གསལ་འདབ། །

ཕྲིན་ལས་ལྷུན་འགྲུབ་ཚུལ་དུ་ཛབ་འདི་བཟླ།  །

ཨོཾ་ཨཱཿཧཱུཾ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུཾ།

ཧྲཱིཿམ་ཧ་རི་ནི་ས་ར་ཙ་ཧྲཱིཿཡ་ཙིཏྟ་ཧྲིཾ་ཧྲཱིཾ་ཛཿསརྦ་སིདྡྷི་ཤནྟིཾ་པུཥྚིཾ་ཝཱ་ཤཾ་མཱ་ར་ཡ་ཕཊ༔

མཐར་མི་དམིགས་པར་བཞག་ལ་དགེ་བ་བསྔོའོ། །