Prayer for Swift Rebirth of Jamyang Khyentse Chökyi Lodrö—Tibetan

༄༅། །འཇམ་མགོན་མཁྱེན་བརྩེ་རྡོ་རྗེ་འཆང་གི་མྱུར་འབྱོན་གསོལ་འདེབས།

འཇ༵མ་དཔལ་དབྱ༵ངས་དངོས་འདྲེན་པ་ཆོ༵ས་ཀྱི༵་རྗེ། །

གང་ཁྱོད་བསམ་བཞིན་གཟུགས་སྐུར་བཞེངས་ལགས་ན། །

ད་དུང་བདག་སོགས་ཡུན་དུ་མི་སྐྱོང་བར། །

ཆོས་སྐུའི་ཀློང་ན་བདེ་བར་ཅི་སྟེ་མནལ། །

དཔའ་བོ་སྙིང་རྗེའི་བློ༵་གྲོ༵ས་མཆོག་མངའ་བ། །

ཁྱོད་ཐུགས་ཞི་བའི་རོ་ལ་མ་དགྱེས་པར། །

གདུལ་བྱ་ཡལ་བར་མི་འདོར་བརྩེ་བ་ཆེས། །

དུས་འདིར་སྤྲུལ་པའི་སྣང་བརྙན་མྱུར་བསྟན་གསོལ། །

དེར་ཡང་བར་ཆད་སྒྲིབ་གཡོགས་ལས་གྲོལ་ཏེ། །

མཁྱེན་བརྩེའི་གཟི་བརྗིད་འབར་བའི་དཀྱིལ་འཁོར་མཆོག །

ཡོངས་རྫོགས་རྒྱལ་བསྟན་མཁའ་ལ་རབ་གསལ་བས། །

སྐལ་བཟང་ཕན་བདེའི་པད་ཚལ་འབྱེད་མཛད་ཤོག །

ཅེས་འཇམ་མགོན་མཁྱེན་བརྩེ་རྡོ་རྗེ་འཆང་གི་མཆོག་སྤྲུལ་མྱུར་འབྱོན་བདེན་ཚིག་ཏུ་འཇིགས་བྲལ་ཡེ་ཤེས་རྡོ་རྗེས་གསོལ་བ་བཏབ་པ་དོན་ལྡན་དུ་གྱུར་ཅིག། །།