སྨེ་བརྩེགས་རྒྱུན་ཁྱེར།

༄༅། །སྨེ་བརྩེགས་རྒྱུན་ཁྱེར།

ན་མོ།

བླ་མ་མཆོག་གསུམ་ཡི་དམ་ལྷར། །

གུས་པས་སྐྱབས་མཆི་མཁའ་མཉམ་འགྲོ །

བླ་མེད་བྱང་ཆུབ་མཆོག་ཐོབ་ཕྱིར། །

སྨེ་བ་བརྩེགས་པ་བསྒོམ་པར་བགྱི། །

ལན་གསུམ།

སྟོང་པའི་ངང་ལས་སྐད་ཅིག་གིས། །

སྣ་ཚོགས་པད་ཉིའི་གདན་སྟེང་དུ། །

རང་ཉིད་ཁྲོ་ཆེན་སྨེ་བརྩེགས་ནི། །

མཐིང་ནག་འོད་ཟེར་ཀུན་འཕྲོ་བ། །

ཕྱག་གཉིས་ཐུགས་ཀར་སྡིགས་མཛུབ་མཛད། །

ཁྲོ་བོའི་ཆ་ལུགས་རྫོགས་པར་བསྒོམ། །

གནས་གསུམ་ཡི་གེའི་འཕྲོ་འདུ་ལས། །

ཞི་ཁྲོའི་ཚོགས་ཀུན་སྤྱན་དྲངས་ཐིམ། །

ཐུགས་ཀར་པད་ཉིར་ཧཱུྃ་མཐིང་མཐར། །

བཟླས་སྔགས་འགལ་མེའི་འཁོར་ལོ་བཞིན། །

མེ་ཡི་ཚྭ་ཚྭ་འཁྲུག་ཅིང་འཕྲོ། །

གནོད་བྱེད་ཉམས་ཆག་ཀུན་བསྲེག་གྱུར། །

ཨོཾ་བྷུར་ཀུར་མ་ཧཱ་པྲ་ཎཱ་ཡ་བྷུར་ཙི་བྷུར་ཀི་བི་མ་ལེ་ཨུ་ཙུཥྨ་ཀྲོ་དྷ་རཱ་ཛ་ཧཱུྂ་ཕཊ།

ཅེས་ཉམས་གྲིབ་ཆེན་པོ་ལ་བརྒྱ་རྩ། འབྲིང་པོ་ལ་ལྔ་བཅུ། ཆུང་ངུར་ཉེར་གཅིག་རེ་བཟླས་ཏེ་སྣ་བུག་ཏུ་ཕུས་གདབ།

སྣོད་བཅུད་རང་ཐིམ་རང་ཉིད་ཀྱང་། །

འོད་གསལ་གཉུག་མའི་ངང་དུ་ཡལ། །

སླར་ཡང་ཁྲོ་རྒྱལ་སྐུར་ཤར་ཏེ། །

མི་མཐུན་ཕྱོགས་ཀུན་བསྲུང་བར་གྱུར། །

དགེ་བ་འདི་ཡིས་མྱུར་དུ་བདག །

སྨེ་བ་བརྩེགས་པ་འགྲུབ་གྱུར་ནས། །

འགྲོ་བ་གཅིག་ཀྱང་མ་ལུས་པ། །

དེ་ཡི་ས་ལ་འགོད་པར་ཤོག །

ཅེས་དགེ་བ་བསྔོ་ཞིང་ཤིས་པ་བརྗོད་དོ། །

ཞེས་པའང་ཛྙཱ་ནས་སོ།། །།