Prayer to Sakya Paṇḍita—Tibetan

༄༅། །འཇམ་དབྱངས་བླ་མ་ས་སྐྱ་པཎྜི་ཏའི་གསོལ་འདེབས།

འཇམ་དབྱངས་བླ་མ་ས་སྐྱ་པཎྜི་ཏ་ཁྱེད་ཐུགས་དགྱེས་པའི་ཕྲིན་ལས་ཐམས་ཅད་རྗེས་སུ་བསྒྲུབ་པའི་སླད་དུ།

འཇམ་དབྱངས་བླ་མ་སྐྱབས་གནས་ཀུན་འདུས་ཁྱེད་ལ།

སྙིང་ནས་དད་པས་ཕྱག་འཚལ་ལོ། །

མཆོད་དོ། །

སྐྱབས་སུ་མཆིའོ། །

གསོལ་བ་འདེབས་སོ། །

ཐབས་འདི་ལ་བརྟེན་ནས་བསྐལ་པ་གྲངས་མེད་གསུམ་གྱི་ཚོགས་གཉིས་སྐད་ཅིག་ཉིད་ལ་རྫོགས་པར་བྱིན་གྱིས་བརླབ་ཏུ་གསོལ།

སྡིག་སྒྲིབ་ཉེས་ལྟུང་དྲི་མའི་ཚོགས་བག་ཆགས་དང་བཅས་པ་ཐམས་ཅད་སྐད་ཅིག་ལ་ད་ལྟ་ཉིད་དུ་བྱང་ཞིང་དག་པར་བྱིན་གྱིས་བརླབ་ཏུ་གསོལ།

འཇམ་དབྱངས་བླ་མའི་བྱིན་རླབས་སྙིང་ལ་ཞུགས་ནས།

ཐོས་བསམ་སྒོམ་གསུམ་གྱི་ཡོན་ཏན་ཐམས་ཅད་སྐད་ཅིག་ཉིད་ལ་ཡོངས་སུ་རྫོགས་ནས།

བསྟན་པ་དང་སེམས་ཅན་གྱི་དོན་ནམ་མཁའི་མཐའ་དང་མཉམ་པར་སྒྲུབ་ནུས་པར་བྱིན་གྱིས་བརླབ་ཏུ་གསོལ།

སྒ་སྟོན་རྡོ་རྗེ་འཆང་ངག་དབང་ལེགས་པས་ཤེས་བྱ་མ་འབུམ་ཐེར་བཞི་བཅུ་ཞེ་གསུམ་ཕྱག་དང་སྦྲགས་བསགས་པའི་སྐབས་སུ་འདོད་གསོལ་མཛད་པ་འདི་ཉིད་ཐུགས་སྲས་སྡེ་གཞུང་སྤྲུལ་སྐུ་ཨ་འཇམ་རིན་པོ་ཆེས་མཛད་པའི་རྣམ་ཐར་དུ་བཀོད་པ་ལས་བཤུས་པ་དགེ།