Direct Instruction—Tibetan

Literary Genres › Advice | Schools & Systems › Dzogchen | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Further Information:
Download this text:

༄༅། །གདམས་ངག་དམར་ཁྲིད།

གདམས་ངག་དམར་ཁྲིད་ནི་བླ་མ་གོང་མའི་གསུང་ལས་འབྱུང་བ་རྣམས་གཟིགས་ཁྱབ་ལས་གསར་དུ་ཅིའང་མི་དགོས་ཀྱང་། ཞལ་ངོ་མི་ལྡོག་ཙམ་དུ་འདི་ལྟར། བླ་མའི་ཞབས་ལ་ཕྱག་བཙལ་ནས། །འོད་གསལ་རྡོ་རྗེ་རྩེ་མོ་ཡི། །གདམས་ངག་གནད་ཀྱི་ཉིང་ཁུ་ནི། །མོས་གུས་ལམ་གྱི་གཞི་འདིང་ནས། །འཁྲུལ་པའི་སེམས་ཀྱི་གཞི་རྩ་བཅད། །གཞི་མེད་རྩ་བ་བྲལ་བ་ཡི། །རིག་པ་གསལ་སྟོང་བརྗོད་བྲལ་འདི། །མ་བཅོས་རང་བབ་བསྐྱང་བ་དང་། །གཟུང་འཛིན་རྟོག་ཚོགས་རང་གྲོལ་གྱི། །གནད་དེ་ཤེས་པས་འཆིང་བ་མེད། །དེ་ཡི་བོག་འདོན་ཕྱི་ནང་གི །ནམ་མཁའ་གཅིག་ཏུ་བསྲེས་ལ་གཏད། །འཛིན་མེད་ཁྱབ་བརྡལ་ངང་དུ་བཞག །ངེས་འབྱུང་སྙིང་རྗེ་བྱང་སེམས་སྒོམ། །རྒྱུ་འབྲས་སྤངས་བླངས་བརྩོན་པ་གཅེས། །དེ་སྐད་གདམས་པ་ཉུང་ངུ་འདི། །ཆོས་ཀྱི་བློ་གྲོས་ཞེས་བྱས་ཕུལ།། །།