Five Families of Mañjuśrī Praise—Tibetan

Deities › Mañjuśrī | Literary Genres › Praise | བོད་ཀྱི་བླ་མ།འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

འཇམ་དཔལ།

༄༅། །འཇམ་དཔལ་རིགས་ལྔར་བསྟོད་གསོལ་བཞུགས།    །

 

ཨོཾ་ཝཱ་ཀྱེ་དཾ་ན་མཿ

སངས་རྒྱས་ཀུན་གྱི་སྐུ་ཆེན་པོ།    །

ཡེ་ཤེས་སྐུ་སྟེ་སྐུའི་དབང་ཕྱུག  །

འཇམ་དཔལ་དྲི་མ་མེད་པའི་སྐུ།    །

མཆོག་སྦྱིན་རྡོ་རྗེར་ཕྱག་འཚལ་བསྟོད།

 

ཨོཾ་ཝཱ་གཱི་ཤྭ་རི་མུྃ།

བདག་མེད་སེངྒེའི་སྒྲ་དང་ལྡན།    །

མུ་སྟེགས་རི་དྭགས་ངན་འཇིགས་པ།    །

ཀུན་ཏུ་འགྲོ་བའི་དོན་སྟོན་པའི།    །

གསུང་གི་དབང་ཕྱུག་ཕྱག་འཚལ་བསྟོད།    །

 

ཨོཾ་ཨ་ར་པ་ཙ་ན་དྷཱིཿ

འགྲོ་བའི་མར་མེ་ཡེ་ཤེས་སྒྲོན།    །

གཟི་བརྗིད་ཆེན་པོ་འོད་གསལ་བ།    །

ཀུན་ཏུ་རྟོག་པ་ཐམས་ཅད་སྤངས།    །

འཇམ་དཔལ་རྡོ་རྗེར་ཕྱག་འཚལ་བསྟོད།    །

 

ཨོཾ་བཛྲ་ཏིཀྵ་ཎ་དུཿཁ་ཙྪེ་ད་པྲ་ཛྙཱ་ཛྙཱ་ན་མུརྟྟ་ཡེ།  ཛྙཱ་ན་ཀཱ་ཡ་ཝཱ་གཱི་ཤྭ་ར་ཨ་ར་པ་ཙ་ནཱ་ཡ་ཏེ་ན་མཿ

དོན་གསུམ་ཐེ་ཚོམ་གཅོད་པའི་བློ།    །

ཀུན་དོན་ཡོན་ཏན་གསུམ་གྱི་བདག  །

སངས་རྒྱས་བྱང་ཆུབ་བླ་ན་མེད།    །

ཡོན་ཏན་མཐའ་ཡས་ཕྱག་འཚལ་བསྟོད།    །

 

ཨོཾ་ཧྲཱིཿདྷཱིཿམ་མེ་དཱི་པཾ་མཉྫུ་ཤྲཱི་མུྃ་ཧྲཱིཿཔྲཛྙཱ་ཝཱརྡྷ་ནི་ཧྲཱིཿདྷཱིཿསྭཱ་ཧཱ།

སྨྲ་བའི་སེངྒེ་ཚུགས་པ་མེད།    །

ཀུན་ཏུ་བལྟ་བས་མཆོག་ཏུ་དགའ།    །

གཟི་བརྗིད་ཕྲེང་བ་ལྟ་ན་སྡུག  །

ཆོས་ཀྱི་རྒྱལ་མཚན་ཕྱག་འཚལ་བསྟོད།

 

ཨོཾ་མཉྫུ་ཤྲཱི་ཛྙཱ་ན་ས་ཏྭ་ཧཱུྃ།    །

དང་པོའི་སངས་རྒྱས་རྒྱུ་མེད་པ།    །

ཡེ་ཤེས་མིག་གཅིག་དྲི་མ་མེད།    །

ཡེ་ཤེས་ལུས་ཅན་དེ་བཞིན་གཤེགས།    །

དཀྱིལ་འཁོར་དབང་ཕྱུག་ཕྱག་འཚལ་བསྟོད།    །

 

འཇམ་དཔལ་རིགས་ལྔའི་ལྷ་ཚོགས་ལ།    །

ཕྱག་འཚལ་བསྟོད་པའི་བསོད་ནམས་ཀྱིས།    །

མ་རིག་མུན་པ་ཀུན་སེལ་ནས།    །

མཁྱེན་གཉིས་སྣང་བ་རྒྱས་པར་ཤོག  །

 

རྒྱུད་ཀྱི་ངེས་པའི་བསྟོད་པ་འདི།    །
ཆོས་ཀྱི་བློ་གྲོས་ཞེས་བྱ་བར།    །
ལྷ་རྫས་ཡོལ་གོའི་རྟེན་དང་བཅས།    །
ཨ་མདོ་བླ་མས་བསྐུལ་ངོར་བྲིས།    །

 

ཤུ་བྷཾ།  །    །།