Prayer to Ngawang Samten Lodrö—Tibetan

༄༅། །ངག་དབང་བསམ་གཏན་བློ་གྲོས་ཀྱི་གསོལ་འདེབས།

ཨོཾ་སྭསྟི།

ངག༵་དབ༵ང་འཇམ་དཔལ་ཁྲོས་པའི་རྣལ་འབྱོར་པ།    །

བས༵མ་གཏན༵་ཏིང་འཛིན་བློ༵་གྲོས༵་ཟབ་མོའི་གཏེར།    །

བློ་གསལ་རྒྱ་མཚོའི་སྙན༵་བརྒྱུད༵་འཛིན་པའི་ཕུལ།    །

བསྟན༵་པའི༵་རྒྱལ༵་མཚ༵ན་ཞབས་ལ་གསོལ་བ་འདེབས།    །

དོན་གཉིས་ལྷུན་གྲུབ་དཔ༵ལ་ལྡན་བཟ༵ང་པོ༵་ཡི།    །

གསང་གསུམ་བྱིན་བརླབ་རྒྱུད་ལ་ཞུགས་པ་དང་།    །

ཚད་མ་བཞི་ལྡན་སྙན་བརྒྱུད་ཟབ་མོ་ཡི།    །

བསྟན་པ་རིན་ཆེན་དར་ཞིང་རྒྱས་པར་ཤོག  །

ཅེས་པའང་བློ་གྲོས་རྒྱ་མཚོས་གསོལ་བ་བཏབ་པའོ།།    །།