Ngor Aspiration—Tibetan

Schools & Systems › Sakya | Practices › Prayers | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Ngorchen Kunga Zangpo

༄༅། །ངོར་ལུགས་སྨོན་ལམ་རྒྱལ་བས་ལུང་གི་སོགས།

 

རྒྱལ་བས་ལུང་གི་རབ་བསྔགས་ཀུན་དགའ་བཟང་།  །

རྒྱལ་བའི་ཐུགས་སྲས་སེམས་དཔའ་ཆེན་པོ་དང་།  །

རྒྱལ་བའི་རྒྱལ་ཚབ་ཀུན་དགའ་དབང་ཕྱུག་ཞབས།  །

མཁས་པའི་གཙུག་རྒྱན་བསོད་ནམས་སེངྒེ་དང་།  །

མཁྱེན་བརྩེའི་དབང་ཕྱུག་རྗེ་བཙུན་དཀོན་མཆོག་འཕེལ།  །

མུས་པ་ཆེན་པོ་སངས་རྒྱས་རིན་ཆེན་དང་།  །

འཇམ་པའི་དབྱངས་དངོས་ངོར་ཆེན་ཐམས་ཅད་མཁྱེན།  །

ནི་ར་བྷཱོ་གའི་ཞབས་ལ་གསོལ་བ་འདེབས།  །

 

མདོ་སྔགས་སྤྱི་དང་ཁྱད་པར་ས་སྐྱ་པའི།  །

ཚད་མ་བཞི་ལྡན་གསུང་ངག་གདམས་པའི་བཅུད།  །

རྒྱུད་ཀྱི་རྒྱལ་པོའི་བཤད་བཀའ་དང་བཅས་པའི།  །

ཟབ་རྒྱས་གདམས་པ་ཀུན་ལ་དབང་འབྱོར་ཤོག  །

 

བསྟེན་བྱ་འཚོ་བ་བསྲུང་བྱའི་ཚུལ་ཁྲིམས་དང་།  །

ཉམས་ལེན་སྤྱོད་པ་སྟོང་པའི་ལྟ་བ་རྣམས།  །

དྲི་མེད་རྗེ་བཙུན་བླ་མ་ཁྱེད་རྣམས་དང་།  །

དབྱེར་བ་མེད་པར་བྱིན་གྱིས་བརླབས་ཏུ་གསོལ།།   །།